都有一段日子冇up blog啦~~見今日咁難得早上就up下啦~~呵呵~
唔知點解喱排好似唔係幾開心咁~~但係又唔知點解會唔開心wo~~
可能因為考試成績掛~~講真今次真係考得好差~
同上年比平均分跌左成5分~跌左唔個名次~~同要有科唔合格~
它就是化學啦~~本身初中果陣都幾中意化學嫁~覺得好得意~~
一樣物質加另一樣物質可以變成第三樣野wo~~
又有好多唔同ge現像睇~好得意~~加上初二果陣岩岩接觸到~~
覺得好新奇...所以我對化學都幾有興趣..我上化學堂都特別留心~~
測驗考試都可以拎到90分以上~~初三平均都有80分以上~~
所以我覺得我初中ge化學都ok嫁~~但係上到尼高一我完全跟唔上~~
好似從來都冇學過化學..突然問要你學咁~~好辛苦~雖然好多同學仔都係咁~~
大家都話係丫sir的問題~佢講野好難聽得明~佢d字好難睇等等~~
雖然我之前都係咁諗~但係經過反思之後我覺得都唔可以怪曬丫sir的~~
因為佢之前都有教過家姐~~家姐次次測驗都有90分以上~~
咁會唔會係我自己ge問題呢~~我諗左好耐~~其實唔係丫sir教得唔好~
係我自己蠢聽唔明姐~~開頭可能真係未適應~但係都過左咁耐啦~~
應該要適應嫁啦~~係喱個世界上只有你適當社會~正所謂適者生存丫ma~~
所以我都係時候要適應嫁啦~~我要加油丫!!
講番今日~~真係超kai~上體育堂由三樓落去多功課室度上~~
但係因為今日唔舒服所以同嬌佢地一齊見習~~
丫sir叫我地坐係多功能室度~~坐左唔夠5分鐘~丫sir話上去四樓~
所以就好辛苦咁上左去四樓~之後落堂落一層番課室!點知坐左又未夠5分鐘~~
上活動堂~落籃球場~~oh my god~~又要行三層樓梯落去~~
放學又要行番三層上課室拎野~之後再行三層樓梯又落番去~~真係超無奈~~
行死我~~已經病嫁啦~~仲要行咁多次~~
另外頭先有個fd唔開心丫~~我陪左佢一陣~佢同我講左一個秘密~~
我就諗:點解要同我講秘密丫~~唉~有野唔講得果種感覺好辛苦嫁ma~~
但係諗深一層佢都係信我先講比我聽姐~~我應該開心先岩ge~
跟住我又諗點解人要有秘密呢??真係唔明~~算啦~~唔理啦~~
可能真係我太蠢啦~~真係好似Kelvin話我咁:Stupid Girl~~
|