豬咁蠢....
失敗T^T...

今日走訪職場去東瀛遊阿 好正.
好想好想好想做佢地既日本部(笑)
haha 如果我真係入到大學 一定襯果段時間讀番日文 yeah~

啦啦啦 5月5月 阿京黎香港啦.
好緊張好期待 好amazing.
我仲以為佢再黎香港會係頒獎禮或者係出碟既時候
點知咁快就黎啦 好正好正好正阿
波兒 你快d多謝我啦 好彩有我提你渣
唔係miss左你就樣衰死啦xd

呼.....終於連中史都派埋啦~
今日上堂比miss lai串到應一應..
真係好應..
miss lai:「有d人以為自己上次考左第一 就好勁咁 以為自己識晒 臨考之前一日先黎溫 最後咪搞成咁囉!」
依稀記得 佢好似係咁講 總之meaning一樣.
係阿 今次係跌左 雖然係第三 我唔滿意 佢更加唔滿意.
係啦 係時候要番番黎啦 讀中史既心真係要番黎啦
我講得出既野真係要做得到
我唔可以再令緊張我 想我好既人失望
加油

講完。

呼.......................................
今次ut prepare既時間真係唔多.
我自己比左既努力 心力都係唔多.
感恩既係 好多我以為可能抄左既科都有好好既成績
好似chem m1 同埋 中文reading咁.

不過呢 今日知道左通識果分真係超級唔開心.
雖然自己上堂 堂堂訓 但係其實我好care呢科既results.
我記得差唔多臨考前果一星期 我打開本書 我真係dumfound .「哇 乜料 呢d咩黎嫁?」
於是 我去左搵miss wu 搵佢教番我.
佢用左兩個鐘既時間 教晒我所有野 果日仲要係星期6
其實佢根本可以唔洗教我 因為係我攞黎賤 上堂訓教 就算考試0分 都唔關人事.
之後 我自己番屋企做左又諗晒書後面既exercise 唔識又走去問佢.
考之前既前一日我覺得我已經有足夠既知識去考呢科 所以將所有時間放晒係英文到.
到到考果刻啦 打開份卷 我不禁係心入面大聲咁嗌左句yes!
因為第一條既淫照我之前已經係書入面既exercise做過.
諗住今次一定考得好好 又可以唔洗晒左miss wu比既時間同埋心機.
點知 今日我知道左果分. 18.5
雖然相比好多人黎講 呢個的確係一個幾好既分 係班入面都係頭幾個.
但我仍然唔開心 呢個唔係我想要既 亦唔應該係我會有既分.
係通識呢科黎講 我係對自己幾有信心.
而且 我知道 miss wu好失望 失望除左係我地班考得差 亦係我考得唔好.
我問佢:「 係咪你禁計數句禁錯左阿? 將6禁錯左做1阿?定係你計少左1 part阿?」
佢:「我都想我計少左阿 不過我check左10幾次都係咁囉!」
令人感動既係 一個老師會為一個學生重複又重複check咁多次
證明佢真係好想個學生考得好//
只係呢個學生好唔爭氣!
我相信如果呢個老師唔係miss wu 可能我今日唔會咁唔開心.
係f.1既時候 我已經好好好好好鍾意佢.
雖然開頭鍾意佢 係因為覺得佢好靚(笑)
雖然到而家都唔知自己咁鍾意佢 係咪仲係因為佢靚.
但係我只係知道 如果冇左佢 就冇左今日讀書幾好既我.
可能咁樣講 D人會覺得我咁講好誇張 但係呢個的確係事實黎.
我記得F.1既我已經決定左 F.1-F.3呢3年要hea住過 唔讀書
因為小學既時候 已經衝得太行 好攰啦對讀書.
但係 係上堂既第一日 第一堂既ih 我就係因為比一個第一眼覺得佢好靚既人罵過
我決定 我一定要威比佢睇 至少我要係佢果科既results做到好好..
終於我做到 一科既成功 令到我得到平生已黎最大既滿足感 於是我努力發展埋其他科.
終於 我都係成功 最重要係令我有左細個冇既自信心 亦令我都幾0k enjoy讀書..
所以話呢 冇佢就冇我....
其實講到尾 我係覺得自己好對唔住佢.
又其實....呢篇野係冇結尾嫁。
係咁 講完。

 

今日考完中史啦 哇 好爽...
再一次「摩打手」上身 1個鐘內嘔左4頁單行紙既野出黎a_a (讚)
做既時好驚時間 內容分配得唔好 好彩最後都差唔多維持到around一頁15分鐘..
今次係第一次冇時間check卷 最失敗係有一part刪左唔記得寫番果名落去-,-
不過呢 其實今日都爆好彩,
話說 尋晚同慈慈溫既時候 我地講好左佢訓左一個鐘之後我叫醒佢 之後到我訓.
點知呢 我plan好左2點訓3點起身 點知一起身已經係6點幾既事.
一起身就不期然爆左句粗 心諗:「大q獲啦 d point仲未compare d引文~內容忘記得7788啦」
之後就利用沖涼洗頭果半個鐘記番d內容.
最後決定寫唐玄宗 雖然呢個係最難寫 奈何最易寫既唐太宗 我已經忘記得7788啦\口/
之後呢 就利用扎頭髮既15分鐘 組織左我篇文既結構
於是呢 今日考試就利用呢個結構同內容 係咁爆寫.
好彩既係 我順利係最尾既5分鐘conclude埋 順利順利順利...

聽日呢 去睇drama...
到而家仲1516緊 聽日完左應唔應該去信和.
又應唔應該同mama去飲 如果真係要去飲既話
就要著得比較斯文...但係我唔想-,-
如果 如果去信和既話 我既心靈將會得到好大既滿足阿.
但係呢 我個荷包呢就會迅速干塘嫁啦喎...
不過呢 隻野又真係好正喎
好難得 好難得公仔面頭既masha可以影得咁靚仔阿a_a
重點係 好想睇con阿 仲要係第一次係武道館開既con阿 好想好想睇~
但係又真係好貴好貴同埋好貴...好煩-,-

7月快d到 please.
我要錢錢錢-,- 同埋kay會出佢第一張既國語碟阿.(讚)
雖然我聽極都唔係好聽得明「拾年」既歌詞 但首歌真係爆好聽...
講完。