今日係年廿九,食團年飯...
起身,要幫mummy打掃..都唔係幫mummy ge~屋企自己都有份!
我都算乖乖lo...但係,今年新年冇咩氣氛,記得往年,我地多開心呀....個個都嘻嘻哈哈....
我好excited穿新衣..4點多就bath...一出黎,好舒服!!新的感覺!!突然覺得自己好型!!
想起以前,個個都晨早中午12點多就bath...跟住,第一時間跑去婆婆家...吃雞腿,''晒''靚衣,然後討論大家的新衣..再向舅舅,姨姨們拜年...當然不少得紅封包!!我地蹦蹦跳跳...笑得最燦爛!!
而家...都大個la~好懷念以前ar~唔通真係愈大愈煩...
晚飯後...冇野做..又唔想做功課住..電腦又爭唔到黎玩...我果時真係好氣好氣!!嬲到..自己獨自走回房間,蓋頭大睡(只是8點左右)....睡不著,又是回想...回想我活了這麼多年,究竟是怎樣了...
對於我個家...有愛,有恨. 我好想保護哩個家,就算再點樣!!我都會盡我所能去保護!!肯定會!!但..有時真係好煩...
mummy...唔洗講,最錫我地,咩野好的都比晒我地!!我永遠都會愛她!!祝mummy青春常駐!!
爸爸...佢好果陣又冇野lo...但,又時真係幾煩,好似咩都係佢o岩晒,有佢講,冇你講...成日只係回憶以前,你要珍惜現在呀!!你鍚我,我唔係唔知...但,你講野話氣好d,好冇?!我做女ge~我都冇話我冇錯..但你一黎就咁樣..你想我點對你好d呀...有時d野,擺係心度咪得lo...我唔係唔關心你,但你知,我從小就唔識講果d野..關心說話,我向來只係留在心... 祝爸爸身心健康!!
嘉熙...由細到大,你除左嗌我家姐外,唔覺你有特別點當我係你家姐..有咩野,你照同我爭!!都唔讓我,我又唔讓你..2個硬碰硬..日日吵,其實我都覺得得咁樣有d煩,但,你我又唔退一步..唉~你成日話人地家姐對佢妹點好點好..但,你又唔講人地呀妹對佢家姐又點好點好...其實,只要你態度好d..唔好下下都同我頂到咁實,句句窒到應一應...我都好錫你的,唔係個個姐妹都可以好似我地咁ga~祝你愈來愈靚!!
耀...你都幾靚仔,真心的,雖然我成日都話你樣衰...但你都真係好娘娘腔呀!!你man d la~我同熙都冇咁...你唔好係又喊,唔係又喊...你明知我唔受哩套,你又總係要喊..其實,或者,你會覺得我唔錫你,但..我知你好錫我呀...只係有時,大家起晒角,要打果陣,邊個理哩d wor~果d意氣說話唔係有心的,我都希望你明白,有時我惡..係為你好..你太依賴我地la.祝你學業進步!!
哩個家..就係咁..日日吵吵鬧鬧,或許,哩個係特色吧...咁先熱鬧!! |
