친구 ?
朋友 你試過將我營救。
朋友 你試過把我批鬥。
無法 再與你交心聯手。
畢竟 難得 有過最佳損友。
問我有沒有 確實也沒有。
一直躲避的藉口 非什麼大仇。
為何舊知己 在最後 變不到老友。
無錯,我就係你嘅最佳損友。由從前到而家,其實我都無盡好朋友嘅責任。由從前到而家,
同時我都無任何–方面做好,可以減輕我俾你嘅負擔。老實講,你真係好好,好好。讀書好,
人品好,皮氣好,樣又令,身為你最好朋友嘅我真係都有唔少嘅自卑。我唔開心,我喊,你會攬
住我,叫我唔好喊;我成績唔好,功課唔掂,你會幫我,會叫我讀好啲書,會為我打氣;我個人亂笠
笠,你會叫我執好去。但我皮氣又差,有時又理唔到你,我諗全世界整係得你忍到我。雖然我
地只係做左半年嘅最好朋友,但大家已經好重視大家。查實我只我唔好,甚至我係好差,差到
一個地步令到一個忍左我好多次,不斷寫卡俾我,提我要乖啲嘅好朋友都放棄左我。我知你睇
到類似厘篇野都唔少次,因為問題都係同一個。我人際關係已經好差,我已經溶入唔到你厘班
朋友,我自問我已經嘗試過好多次,溶入到嘅係一時,另個頭就人地已經係用一啲唔中意嘅眼神
望住自己。甚至當面同你講句:「我真係好憎你。」我自問我自己系米個人真係好差,我係米
真係禁衰,衰到一個地步係用左半年時間去溶入大家,大家依然都係同你講翻一句:「我真係好
憎你。」?我諗我力已盡,我唔想再唔開心落去。你知唔知乜野人最慘?唔係响地獄嘅人最慘,而
係被人帶左上天堂,再由天堂狠狠掟翻你落去地獄嘅人最慘。轉頭同我講其實我唔系幾憎你,再
轉頭同我講其實真係好憎你。我諗夠喇:)你即使冇左我都有好多朋友响你身邊,我溶入唔到班
朋友係我嘅事,我冇可能叫你陪我。我再自私都唔係到厘個地步。而且我重有好多好多嘅不足
配唔起你,我有好多野已經冇再同你講係因為我已經唔想再俾負擔你。我諗厘個就係你一直好
想知知點解好好似唔同左嘅原因,我嘅最好朋友:) |
