今朝2:00起身睇AC VS 巴塞,一路開機一路睇...
上半場真係冇乜野睇,攻黎攻去都攻唔入,所以有種想訓既感覺
但係頂住啦,下半場應該有野睇既,所以繼續
下半場真係好睇好多,起碼都有波入
古利入左致勝既一球,我覺得巴塞會入決賽囉
跟住睇到4:30完場,走左去訓啦,實在太累啦
訓訓下訓到11點起身,刷牙洗面,跟住開機
琴日HI哥問我去唔去西九龍玩過山車同溜冰喎,但係我推左佢
原因係琴日踢波整親,好痛
其實今日好悶,有傷在身,唔想出街
我D FD叫我去打波,我都係推左,所以今日就成日坐係電腦面前
玩到4點幾,醒起冇做過功課,於是係書包攞左本字帖同Reading Path出黎做
字帖做6頁,真係想死呀,1頁都寫死我,
我地而家中學生啦,仲要做埋呢D咁無聊既抄字
唉,寫左2頁半又停左係度唔寫........
係咁聽「笑談廣東話」,好鬼好笑,有排都聽唔完
然後上黎打返琴日既日記,見到話有新面板,
就去睇下啦,然後揀左而家用果個...
我今日既生活就係咁啦...
PS.今晚有阿仙奴 VS 維拉利爾,不過應該唔好睇,始終覺得阿仙奴SURE WIN
|
