皆因貪新鮮,而且mega box的宣傳實在太勁之原故,我地終於忍不住下午去左行BNQ及SPOTLIGHT.嘩!,你想行都無得得行,根本由行入商場致行出商場都係身不由己,亦都無乜選擇!一去到就食LUNCH至二時多,開始行的時候,想去完洗手間以便行得更放心,點知阿媽話酒樓廁所無水沖,唔好去住,於是諗住一路行一路搵啦........由十三樓去到八樓都無得去,話全部廁所都無水唔俾入去,封左!下?於是走返上十三樓酒樓再去,真係無奈!跟住想去行SPOTLIGHT,仲得人驚,好多人係門口排隊等入去,於是去左行BNQ,仲要係四樓入三樓上,人多到想掉頭都唔得,好似有錢派咁,好彩人人都好守規則,如果唔係真係好易有意外.一路都係到祈禱,千祈唔好有問題,如果唔係都唔知點逃生!出來已經係五時多,於是想走,人太多唔上穿梭巴士,行行下大雨起來,好彩有帶雨傘去到德福即係去IKEA食熱狗同雪糕來叉電,回家已經七時半!