今日,終於可以去探病喇...!因為琴日佢地去左都冇人通知我既關係~

我已經叫左mama一定一定要叫埋我先好去....

          4:00am-4:30am---探病時間...3點幾,我地就浩浩蕩蕩咁出發喇!

大家都一齊去...希望係最艱既時期,俾佢知道~大家都係佢身邊支持緊佢!!!

好驚趕唔切呀...又唔知規矩,唔知佢會唔會俾我地輪流咁入去探病...

因為每次只可以俾兩個人入去~我地有成十個人...><"

          個到d姑娘都好好人...真係估唔到...

好彩俾我地分批咁入咋...見到婆婆...一次比一次瘦~佢好似好支力"咁...好口渴...

不過,岩岩做完手術~又唔俾飲水...見到佢咁...真係好心痛!!!

d癌細胞只不過係岩岩開始擴散~佢就已經咁樣...真係唔忍到再睇住佢咁樣落去

佢曾經試過自殺...不過唔成功!俾d姑娘制止左...之後,佢就認承唔會有下次~

見到佢咁樣...我寧願佢e家就走...唔想佢再受折磨...真係好心痛!!!

一日比一日瘦...野又唔食得~水又唔飲得!!又唔俾親人探病...

自己孤伶伶一個人係病房到~好慘......d眼淚忍唔住...

         過左3個字喇...哥哥重未到...塞車!係咁打俾佢吹佢快d~

好彩之後都重趕得切黎咋...佢出返黎之後...好激動...

未見過佢喊得咁犀利...我遞左張tissue俾佢...跟住..又忍唔住...又喊....

好彩重趕得切返黎咋...見得一次得一次...今日唔知聽日事......