今日返到去學校，得返24個人係到，因為旅遊科，果到有個camp去，佢地就正啦~.~"，今日上既堂都好唔自然，因為比平時靜好多，所以唔係咁習慣，之後到左我地最尾個兩堂，係中文堂=.=，要小組討論，仲要用機錄足兩堂，好辛苦~.~"，我地果組好勁，拎左第一，莊sir都話我地做得好，之後就放學啦，放學就培符錐佢去剪頭髮，去到果到，環境唔錯，仲有兩層，點知d服務態度就.....初頭無咩野，後來就知，洗頭都無咩野，個女服務員仲好好...後來剪緊頭髮都ok，但係佢地剪剪下就突然話等等，仲要等好耐個姐，我同符錐果個都係，係黎符錐剪完，就係到等我，點知佢搞一搞d頭髮，有好多頭髮都跌哂落地下，我呆左......，符錐果個髮型師仲要唔小心剪傷左符錐條眉，仲要笑笑口，係到講sorry，唔好意思果d說話，我都唔知講d咩好，我果個髮型師返番黎，同我用髮泥搞緊我個頭果陣，佢又話等一陣，點知等左大約15-20分鐘，佢返到黎，話唔好意思，髮型師話其實我想拎塊鏡比你睇下，得唔得，我同符錐呆左，唔知好笑定好嬲，我心唸，頂你呀，等你咁耐，你話其實係想拎塊鏡比我睇下，不如你之前比我睇完先走，等左咁耐，落到下面，想拎番d書包同外套，點知佢地將我地d書包同外套唔知塞左係邊，搞左好耐，果d人仲係到話呢件係米你架，果件呢，個樣唔多like我地，我地比完錢，出返去就講下次再去果間剪，我不如自己同自己剪，火到黎埋，d服務態度差到嘔，算啦，唔去都去左，不過符錐就慘d，今日打到呢到為止。