今日返到學校，上左佢地班度傾計，打鐘果陣，因為肥李要捉頭髮，所以去左四樓洗手間度等查要先返番班房。然後被我過左關，之後就返落去睇書，之後就對卷，好快又放lunch.....恩本來話同我去食飯，點知佢同左佢以前同班既食飯.........算啦...之後就同aom食。食完飯之後就去左書局度睇下新一期Oh!戀愛學系出左未，點知真係出左，我就叫aom買，佢真係買，我又有得睇啦^^，之後擺本野返班房之後，又上左佢地班度傾計。放學果陣，我同一位同學鬧起上黎，佢話叫我唔駛放學，我即時火起上黎，就當住全班同學面前同佢講一d都算唔係咁有善既說話，搞到全班呆哂。之後就放學啦，放學果陣，猷叫我入黎，佢話佢舅父開左年宵，佢叫左佢數學阿sir買左個，之後，我又幫佢搞多單生意，我叫左英文果個Miss吳幫佢買，點知佢真係買，聽日交收^^。之後就培僑返教會拎stephen份禮物，我都估到係咩，就係聖經。問完恩，佢話唔得閒，所以唔去。我地返到去果陣，原來未開，因為stephen約左佢5點，果陣先4點幾.....之後就培佢去左M記食野，不過係佢食姐...我無食...佢去買果陣，借左部mp3我聽，我見到隔離果個細佬好得意，得12個月大，我食野果陣，好得意，仲見到佢幫佢媽咪清潔。之後我就拎本新書出黎睇。睇睇下，僑問我做咩好似悶悶不樂咁，我就話成績無想像中咁好，其實我心裹面有好多野困擾住我，好煩惱。唉~~~~之後就返番教會，係樓下等stephen黎，之後就上去啦，佢地搵左間房裁培，我就係出面聽住mp3等，唉~~~又唸埋d唔開心既野....之後就等左半個鐘多d就走啦，stephen隻手傷左，希望佢快d好........大約6點半就返番屋企啦。聽日又要對卷啦。今日打到呢度為止。