琴晚搵左四間壽司鋪......個師傅琴日講今晚或者聽日會有人打電話黎，叫你地去見工........我同幾個fd唯有等........等到11點幾就有人打黎叫我去銅鑼灣見工....我以為得我一個.....點知好事一齊黎...個個都有份...我即時換好哂衫約個fd出黎食飯。然後一齊去見^^

        食完野，去到銅鑼灣...我地去到間舖頭...入到去個職員叫我地等等.....唔知係唔係d師傅都係特定既樣既呢..........佢話3個人一齊返一間就無咩可能..叫我地其中一個去九龍灣...我心念個fd一定好慘...本先懷住一齊返工既心態。之後就叫我地去剪頭髮........話果度又唔可以太長....要剪個平凡d既頭....佢話剪完聽日去尖沙咀比佢睇下..然後再決定我地返邊間.....慘啦...剪完頭髮都唔夠兩個星期又剪........

         之後我地去左旺角一間未去過既髮廊到剪^^剪得都唔錯...不過洗頭果個真係...洗到我個頭著火咁制...........我真係想叫救命........剪完就去左勁屋企坐下......點知等到5點幾個fd又收到另外一間壽司舖既通知....係旺角雅蘭中心上面間一壽司........佢話如果一壽司請..我就唔會去尖沙咀果間...點知出門口無幾耐...個一壽司既師傅都打埋比我..叫我去見工...真係好事一齊黎....唯獨是我地有一個fd無收到電話...原因係.....

        我地6點就去到間壽司鋪.........入到去有人帶我地去見力哥^^去到佢叫我地坐低........佢一路望住我地個樣..一路傾....佢問你地係米朋友..我地話係...然後佢就話咁我無打電話果個呢..都係你地個fd呀...你知唔知我點解唔打比佢...佢今年先出世..點請佢呀....個師傅比番張表格比我地睇..點知真係填左2007年5月.......佢話唔會請d咁唔小心既人。師傅叫我地話番比佢聽.......之後佢就解釋唔鐘意入到黎話做..點知做做下就話唔做...識得既都走埋...我地死都答唔會......個師傅就開始講待遇果d野.....講完佢就話因為呢到都有好多人手...我可能請你地既其中一個.......我心想希望兩個都請......之後就培個fd坐車交埋錢就返屋企。當我沖完涼..食食下飯...佢就打黎叫我聽日1點返工，有無問題..我即時答無問題^^無幾耐同我一齊既勁都收到電話，聽日1點返...勁開心。不過有個fd就要獨自去尖沙咀見.........如果係我，我一定唔開心。今日就打到呢度，明天有新既開始。