今日特別攰
可能琴晚做功課做得太夜...視藝好多野做...早知唔好修啦


今日好好好好好好好好好好好唔開心囉.....

地理堂派統測卷..........
-口-合格多少少..都唔知點解會咁...
前後左右都高分過我......佢地仲係咁話自己好差
......-o-我無言以對
地理咁既樣..算啦,我都預左架啦


到左英文堂.....我最最最最擔心既ut...終於派啦
- - ....唉~~!miss話我地班有好多人唔合格...
我覺得有我份
........派到jimjim-o-佢肥左...
之後隔左好耐先派到我
..知唔知幾多分呀?三十九咋......又係合格多少少
算啦...我冇乜所謂
但係miss chan 話...
.:"你d reading 唔得喎,...你細妹既英文好過你幾多呀
   點解咁既?佢ut 全班第一喎....差少少就滿分"


之後佢講乜..我都冇聽......
我心諗:
點解除左阿爸阿媽外...個個都係咁講既?
之前d人講完,我都唔介意......但係今次..聽左miss咁講
好唔舒服
細個到大個......個個親戚,,,鄰居..或者送飯既師奶好鍾意將我地比較....
o個個都話細妹好過我既..人又靚過我,又聰明過我,成績又好過我...
咁又係既...事實黎架嘛.....所以我冇嬲喎
            
但係..
行返埋位,見到自己份卷咁既樣
我喊囉......
d同學話唔好咁啦...你合格呀
....miss話唔好咁啦....你唔係好差...好多人都未喊啦



我都唔係咁諗
我係覺得自己好冇用~~....
我都好想好似阿妹咁...
......我阿妹,阿媽知道我喊,,我梗係冇講點解啦..
話成績唔好..所以喊囉..................
好辛苦

      今日陸運會..

...我做工作人員..冇得跑.-V-...下年我一定跑千五...

食完晏..係咁落雨~~跑道冇人@@..
著住釘鞋O係號道扮沖線...扮左幾次~~哈哈...
小珠以為我發燒
哈哈~不過~釘鞋真係好好玩~~
唔知點解...著上去對腳停唔到~.....


今日一日係下面淋雨...可能聽日o個個陸運會都要取消

.......一年一度既陸運會..真係唔完美
不過好彩...我地班唔係擺左好多心血落去~~@@..
旗都係琴晚六點幾先畫,,攪到好夜...八點先閃人-口-
支旗擺響美術室.....

    本來美術室今日唔會開.....因為阿sir唔會返
不過鄧sir超好...返黎開門俾我地拎旗....
今朝,係我早到~~仲以為佢唔記得我地....哈哈~
我地諗住去運動場o個陣...發覺支旗唔係好實...心心問有冇雙面膠紙
-o-......冇
鄧sir即刻開門拎俾我地

嘩~!!!!!!!!!!好好人呀
好鍾意鄧SIR@W@

    心力交瘁.......

...琴晚,兩點訓...五點半起身..奇怪既係仲好精神....

    平均每日訓四小時....-.-.....真係慘~!...成兩個禮拜,做功課做到阿媽都唔認得


視藝..仲慘~~諗意念.我都唔識做...遲d都唔知點做作品
o個日上堂..miss龍關哂燈...播埋音樂..@@...叫我地休息
唔好以為咁正~~....佢一邊播music..我地一邊諗野.....
諗完..要寫~!......-口-好難架////


     講返今日..今日六點幾出門去荔枝莊....
-o-講真...去到度河流...度左一陣間就走..有d無謂
考察作用不大

今日度河,我冇落水.....我做記錄~~!...哈哈~!
o個度好多黃蜂....
記錄o個陣..隻黃蜂...圍住我....又唔郁得~
好彩..佢行過我隻手姐.....嚇得我丫...成個人疆哂

..我唔會尖叫....其實我覺得尖叫好煩~~.....
我唔講係邊d人啦...總之係有d人...由頭叫到尾...好似去鬼屋咁!
.聲音極度刺耳~**
真好氣
miss lam都忍唔住話佢...
叫佢地唔好度~

返到火車站先放人...好無聊~~唔好仲好~!

之後去藍田....~~!!-口-...唔打啦..成點半~~超眼訓

    今日终於跑左九分鍾lu....

  跑左十六個圈...!跑到最後三十秒..見到陸菊怡係我隔離...就黎快過我..
....我勁大聲叫"衝呀"~~...唔知點解o個下跑得好快...
哈~!平時冇做運動算係咁啦~..我下次跑十七個..都係唔好...跑十九個@@v

  放左學之後..去七樓圖書館
...見到陳嘉成~..係咁狂讚自己..之後又話文科人冇用-口-..
分分鐘...理科既中文水平仲好過文科喎...仲講埋好大堆野

           ..................

....平時佢講咩..我都冇所謂

但係今日..

我聽完之後就話:...你收聲啦...你以為自己好勁咩?..你睇下人地d名校先講啦...井底之蛙~!!!

講o個陣理直氣壯..但係講完之後覺得自己講野有d過份..


唔止咁..今日..細妹拎飯盒俾我....我覺得好遲,,就好唔滿意咁講...有冇攪錯呀..咁晏架?..
  佢話岩岩先放人..其實只係一點四....
.-o-..但係我好大聲講...唔係好大聲..係少少大聲"..我以後唔駛你拎啦~!"...
講完..返到埋位~~講d咁既野...有d後悔


唉~!......算啦...講左出去既野收唔返~.

呢幾日都唔知做乜會咁
唔得..

我要收歛下

            今日,星期五....有三日假放啦...

 今個星期好忙,好多野做~....

          計數都計到我傻~...坐第二個位好唔著數...好易俾miss捉
我擺本西史係枱面咁都捉...-口-....

          星期四,放學我終於將數學做哂...交得俾miss pang....
好彩做得哂...如果唔係..我同西史書要係家長日先有得見面囉...

至攪野既就係...我交數學俾miss pang..佢叫我講笑話俾佢聽=口=......

   話雖如此, 我發覺我越黎越喜歡miss pang...哈...佢好多野講,佢似學生..幾得意丫~!
@@或者冇乜老師好似佢咁~!

           琴日放學,同阿楠去食孖條..食得超狼狽...哈哈哈~~...孖條分開係好齊
其實,我覺得阿楠好好好好丫~~-.-我覺得佢係幾靚架.....又攪笑@@...
但係佢成日話自己唔靚...又話自己蠢..
  攪到有時有d傷感咁....







       今日又差d要留堂...唉~!..手冊明明寫地理整係做mc..冇話要做重點重溫
朝早收功課...我去locker拎書..見到蘇x樂係度做重點重溫喎....我就問:要做咩?..
佢又話做唔做都得....哈....唔做都得......咁我咪唔做囉

點知,科長話我冇重點重溫都要...~!....姐係話我又要留堂啦-口-
激到我好嬲.........蘇x樂問我:咁你點呀?....我好好好惡咁同佢講關你咩事呀.....

..其實佢都唔係好衰姐...只不過係煩左d-/\-姐....我咁對佢..好似又有d過份...但我唔理lu

小息..o個陣..小珠同miss lam講左話手冊寫得唔清楚....所以我地欠...咁先放我地一馬唔駛留



     lunch..蘇x樂叫我俾壽司佢...哈~!...我話你就想啦.....

但係最後都有俾佢...證明..以後我唔會點講佢是非...真係怪

而家覺得佢唔係衰~...反而覺得佢幾肯幫人...唔怪得大口狗以前話佢有義氣啦


      講起大口狗..佢唔係唔好既-口-...唔識講佢.....太"自信"啦...服左佢~!
不過同佢做fd..幾好既..有好多同學話佢好衰....我話都唔係姐....把口衰左"dd"姐
但係我都好似都有講過佢...講佢好好好好自大.....見到佢好似見到火柴人咁






雖然,有三日假
     但係每一科都有勁勁勁多功課做..~!@@

去牛池圖書館借圖書館見到何偉勝..佢話去自修室溫書....
         我都好想試下去自修室...以前過去一次...去到玩

所以我返屋企拎d功課去做....感覺良好@@


               我發覺何偉勝勁多野講.....佢好有媽媽feel
.哇~!
佢真係好好...
       幫我搵埋歷史既課外書..

講野又有耐性...又教我做功課....
我成日諗如果我有咁既阿哥咁就好囉~!