依家係朝早8點3...由於昨晚通頂唱k,,,

所以改為今日打番昨日既日記...

昨日成個晏就都忙於整理儀容,,,

到6點半同阿薛&蠢麗搭火車去酒店...

蠢麗化左妝真係好索...阿薛都好鬼型,,,

而我就緊係唔型啦,,,無謂多講...

8點先到馬可孛羅酒店...

入到去竟然好多人唔認得我...

乜真係咁樣衰咩,,,同英英坐同一張枱...

一坐低第一句講你今日咁似F4既...

當時真係唔知點答佢好...

跟住英英就係咁叫我地拎野食,,,

今日食左少少野...唔算多,,,

見到威仔果d,,,又唔認得我...

番到埋位,,,有表演睇...有情歌小王子唱歌,,,

連唱3隻...唔係咁鍾意佢d台型...

感到佢有點兒''拿型''....

跟住又抽下獎咁,,,

阿薛今日抽到份正禮物,,,

未夠10點半d老師已經走晒...

可能因為學校有學生吸毒件事...

搞到比較累,,,蠢麗今晚又係10點半同恩果d走人...

而我就坐到11點,,,散場之後去左唱k,,,

同臭魚,may,阿薛,羲羲,黑仔,,,加埋B班既同學...

老實講句對今晚呢個唱k有點兒不滿意...

每首歌都會有人爭黎唱,,,搞到無咩心情唱...

臭魚今日問左我一個問題,,,不過無答到...哈,,,

到5點7到就走人lu...搭火車,,,坐係度訓著左,,,

有d誇張=0=...番到粉嶺同阿薛&羲羲去食個早餐...

食完就番家了,,,沖完個涼唔眼訓,,,所以打個日記先,,,

覺得今年呢個謝師宴太少時間...

同埋無咩時間同d老師影相...有d失望,,,

打到呢度捱唔住要去訓陣覺先啦...隻眼好累,,,

-------------------------------------------------------------
願望可成真?