今朝7點幾就起身...到8點到同阿逸玩左陣魔獸...

到11點幾,,,傻仔羊打黎話去九龍游水...本來麻麻地想去...

但羊羊不斷苦苦哀求我...最終就答應左佢...

玩到成12點幾先開始執野...落樓梯果陣原來羊羊坐果架巴士已經就到,,,

即時跑落去,,,同架車鬥快...好彩都追到上車...上到車熱到死死下,,,

無咩冷氣...到左欣盛...蝦仔&八爪魚都上車...

果陣仲有我,羊羊,小明,跛佬,青蛙...一直坐到去九龍,,,

係彩虹村落車,,,傻仔羊要我帶路...我識既原因係因為我表妹住果度...

到游泳池之後,,,點知內部維修...係出面d水又踐到死,,,

坐係度都浸唔晒個頭...跟住玩果度既設施...玩左唔知有冇1個鍾...

佢地就提議走了...無奈地行番入更衣室...換好晒衫之後,,,

搭車去地鐵站...去到果度首先食左野先...竟然去食m記...

肥死都似,,,食完就搭地鐵去九龍塘...跛佬係地鐵開車果陣捉唔實,,,

撞左落個女仔度...笑死人啦...跟住佢就做埋d變態行為黎整我,,,

真係過份...去到火車站...跛佬一路行一路捉住我講問候語...

士多啤利...士多啤利...不停咁講...煩死人...未到大圍之前,,,

小明已經知道了落大雨&有雷暴...但羊羊仍然話去...到左大圍之後...

天氣已經開始黑暗...去到單車鋪,,,問個老細幾錢一架...

竟然獅子開大口...50蚊...即時諗住走人...佢又留住我地話40蚊,,,

但我地同佢講踩開25蚊,,,最終30蚊...仲要1粒鍾內去到大埔交車...

一揀好車就落大雨,,,即時踩...踩到去天橋...落晒大雨,,,

本來小明話不如交番車比佢...但某人話落雨踩先夠激...所以踩,,,

初初踩個身濕...愈踩就成身愈濕...結果踩到底褲都濕埋...

連鞋都入晒水,,,可想然知場雨有幾大,,,踩到簡直望唔到條路,,,

我就係度講下笑,,,不過帶微鏡踩...大家都係咁笑,,,

而且仲諗住真係帶,,,講下笑炸,,,真係帶比人笑死都似...

踩到吐露港...果陣乜都濕晒,,,得番20分鍾就要交車,,,

真係同時間競賽...到左大埔之後...由於踩得太快,,,

唔見左蝦仔&跛佬,,,點知去過一次單車鋪既羊羊竟然唔記得左間鋪係邊,,,

仲要去左大埔中心,,,我仲*$&$*#...廢事講啦...

結果搵到好辛苦...最終交車果陣遲左15分鍾,,,每人又要罰多15蚊...

跛佬,蝦仔,八爪魚準時就唔洗...

跛佬後尾講笑仲話根本我地就係幫佢拎架車黎...仲要罰我地錢,,,

果陣心情唔係咁好,,,無同佢嘈到就比左佢,,,

八爪魚仲話,,,1分鍾1蚊,,,佢咪好好賺...講真都幾架,,,

仲要每架黎計...跟住搭火車番歸...好凍好凍,,,因為為身都未乾...

同蠢麗傾電話...要人地講d魚野比佢聽...咁都有,,,

番到去沖完涼,,,食完野...同蠢麗傾左陣就訓左,,,

果陣好似9點幾...真係第一次咁早訓...

---------------------------------------------------------------------------------
睇完唔留言既都唔係人~第1次打咁長