~唉~唔知今日係唔係最後一次既見面呢....

心都有d唔開心~唔通~我就咁離開?唉~我真係唔想~

今日...我完全冇訓過.....唔知點解 訓極都訓唔著~

可能係我太心急掛~今日9點半就出門口喇~

去到屯門只不過係11點~>.<搭地鐡果陣.....

個胃痛到....好似就黎爆咁~扯住扯住....痛到死~

可能係我成晚到朝早都冇食野掛~去到屯門~

一落車第一時間衝去買野食...跟住行下行下~行左去圖書館喎~

咦..見到wendy~同佢傾左陣計 跟住12點佢就補習嚕~

跟住我就去到間餐廳搵我d巧朋友~~-_-''等佢地食飯~

等佢地食哂-_-''不敢想像~自己都坐到凍......但係廢事出聲啦..

食完之後周圍行~佢地去左影貼紙相~我就走佬走佬加走佬~

唔係唔想同佢地影...而係我由細到大都唔鐘意影相~

所以sorry....佢地影完喇~係到企企企  又企左2粒鐘~

我隻腳都就黎斷~but~都係唔想出聲 開開心心咁過~

企左2粒鐘~美欣姐姐黎喇-_-''等佢等得都苦喇==''~

今日先發現原來佢係路癡黎架~@~咔咔~

跟住佢黎到~大家又齊齊企左幾個字~大約4點幾嚕~

佢地個去碌玲喎~咁我咪陪佢地去囉~~不過我唔玩既都~係到坐~

坐坐下...忽然之間個頭同胃都痛..只好呆坐~扮無事發生~

唔想佢地心掛掛....碌完之後 哇  5點幾喇~大家都話要走嚕...

原來...我有禮物收架....我諗都諗唔到....真係好開心...^.^

跟住我約左呀賢去食飯~食完~傾左陣心事~跟住7點幾~

搭車返屋企嚕~返到黎9點半有多....今日話就話係攰~

不過真係好開心~希望遲d仲有咁既日子過啦....唉..!!