看穿了...

到咗最後,終於都睇清楚究竟邊個先係壞人...

早就應該聽好人ge勸告...其實我一開始只係為咗激佢...點知就係咁跌咗入個陷阱喥...唉~算啦~又唔係未錯過,都已經錯慣咗啦...只係有啲深深不忿,嗰個衰人實在o徒咗我太多時間...

唉~~~每次錯咗之後都話要戴眼識人,但係我到咗而家我都仲未學識...我實在太易信人啦...搞到成日都俾人呃...

哈...可笑...諗番起自己為嗰個人做過ge傻事...實在太可笑~再諗番轉頭,呢一切都實在太可笑...當局者迷...原來自己一直以嚟執著ge都只係啲咁無謂ge嘢...當局者迷ge唯一解藥係當頭捧喝...一次過hurt到最盡之後,終於都清醒,徹底ge清醒...

當頭捧喝之後,雖然爆喊咗一陣,但係我知喊只係因為心有不忿...

「原來我只是突然累了　原來我不說了

原來我撐著撐到麻了　原來我不愛了」

其實對嗰個人ge感覺／感情,早就已經丟淡咗,其實早就已經不愛了,只係我自己一直唔肯承認...之前一直放唔開,係因為內疚,以為係自己ge錯,以為係因為我哋都太飄忽...哈~原來個問題根本就唔關佢改唔改到事,亦唔關我有無信心事,甚至唔關佢所謂ge timing事,原來個問題ge main point係我根本就唔係the right person,所以無論我做啲咩對佢嚟講都係錯...哈~你以為我真係唔明咩?乜你真係以為你好了解我咩?你真係以為你看穿我咩?事實上係我早就看穿咗你,早喺我哋仲未一齊之前就已經看穿你,只係...我一直以嚟都喺喥自己呃自己,竟然蠢到相信你當日嗰句「我真係鍾意你,淨係鍾意你一個」,竟然以為你真係會認真,竟然妄想我可以令你放低嗰個女人...既然我唔係嗰個right person,你當初就唔好話鍾意我啦,o徒我時間,搞到我同你癲咗咁耐...「認真過」?你對我認真過幾耐呀?一秒呀?我真係信錯咗你!

記得以前我覺得好人好賤,估唔到真正ge賤人係...我真係從來都未見過啲咁賤ge人...嘩~真係賤到呀~

憎恨ge感覺...無乜...乜你值得我花精神去憎你咩?不屑同你呢啲咁ge人做朋友,不屑再同你有任何瓜葛／關係wo~唔想你再o徒多我一秒ge時間~放低...唔係值唔值,又或者因為面子ge問題,而係真係徹底清醒了...看透了...化了...估唔到今次咁快、咁輕易就放低咗...

實在o徒咗太多無謂ge時間,我要做番啲有意義ge事...今次,真真正正搵番嗰個positive ge自己,終於搵番真正ge自己~而家ge自己,乜都唔緊,只想同啲朋友一齊,開開心心咁過我ge每一日,其他ge嘢,隨緣啦~雖然咁ge人生好似一片空白、到頭來乜都無咁,但係呢個先係我,終於記番起自己一直以嚟相信ge嗰一套,喺迷亂中忘記咗ge嗰一套...

「太執著一樣嘢,咪盞令自己辛苦~」...哈~太可笑~諗番呢埸惡夢ge前因後果,一切都好似整定咁...笑,係因為真係看開了...

太鍾意一個人,真係太辛苦啦~我短期內都唔會再次掉入呢個陷阱,唔係因為唔敢再去愛人,更加唔係因為非他不愛(佢呢啲咁ge人,根本就唔值得我為佢花一滴心血),而係我自己一個其實好開心,自由對人馬座嚟講實在太重要啦!

放開一切之後,就好似放下咗心頭大石咁,個人好輕鬆、好自在,呢種感覺好正!!!從心發出開心ge感覺...已經唔記得自從天使唔再理我之後,有無人曾經令我真心咁笑一下,只知我而家面上面ge笑容係真ga~

開心係因為看開了,亦唔多唔少因為心涼...知道佢仍然被困喺陷阱中,佢實在太執著啦...唉~由得嗰堆人衰埋一堆,我都無佢咁好氣啦~

一個人ge心其實好細ga咋,真係唔裝得好多嘢ga咋...所以好似我而家咁咪幾好,自由自在~

「時辰一到後心會死 無法再記得怎愛你」

拍拖?吓,乜我有同你拍過拖咩?無呀,我只不過係單戀咗一個我唔應該鍾意ge人咋ma~不過我而家終於都醒哂啦~慶幸我都唔係蝕咗好多啫,只係蝕咗啲寶貴ge光陰俾你,唔緊要啦,有命出得番嚟已經好好ga啦...失去ge時間、過咗去ge嘢,就由得佢啦~豪俾你呀!!!