兩日冇打日記添....

講番星期五,本身唔嵐出黎搵我收工...點知佢一早出o左去lu,而我...就完全唔想出去,冇出到去搵啊嵐同接啊kwan收工,
黎緊而個星期搵日去履行我既約定啦...不過都係唔明做乜要我出去接你收工.......頂!!

o個時返o左上水搵達哥打邊爐,上金香...真係好好既服務態度,唔屌唔得.....仲有好似食垃圾咁...發誓一定唔會有第二次...
同日達哥個妹陳盈盈小姐20歲牛一,不過同佢完全唔熟....只係成日見到佢...佢都好似好驚我....
未食飯之前一直同達哥係度唸有咩o野,本身話出番沙田食,食完仲有得打機...原來講講下我真係成3個幾4個月冇打過機...
上水幾時先有七代俾我打下啊!!
食完...都係落pcp...不過見到細寸係度...勁冇feel.....返屋企....成個星期第一次係上水訓~~~真係好掛住自己張床....
第二日訓到成4點先起身!!!

尋日本身話早o的起身同達哥去釣魚,點知我訓到成4點先起身...釣鬼咩~~
夜晚同tamama傾o左陣...相約去食o野,食完o野飲o左陣o野....好耐都冇見過tamama啦.....
飲飲下見到啊武...真係咁岩....跟住牛仔又落埋黎......
成晚同輝哥玩13張....又係多謝啊武請我飲酒.......

12點半度......走lu.........
返到屋企先知.....點解啊嵐會上o左黎??
算啦....唔理lu....訓覺緊要o的.......
十點半起身......啊嵐仲好似成隻豬咁....頂....
又要換衫出去飲茶......
打住先啦!!!