計埋尋晚,飲酒由星期六開始,我唸尋晚係飲得最少既一日。

尋晚上o左啊武屋企,睇住佢地兩公婆溫馨,我就自己一個人。
"人睇我好,我睇人地仲好"
又係飲酒時間,不停係咁拎o的啤酒出黎飲,
十點啊曦終於都打黎啦,佢上到黎...兩杯gold label...
醉醉地個人輕鬆o的,好快訓得著...但係今日起身又係唸番同一個問題...

感情問題我同人講就叻,不過o個o的全部都係o的"行"o野,你估個個都唔知咩?
次次有問題,其實都係想搵人陪下自己,唔使自己一個人。
有人o的人遇冇事先得人驚...一個人屈住...一係就睇得好開....
同你講冇唔開心就假既...搵得班所謂既朋友其實都係想呃下水吹...
辛苦晒咁多位朋友......

曦:
鈞,如果今時今日佢叫你戒酒你會點啊?
鈞:
下,我唸佢唔會叫佢wor,佢識我o個時都知我日日飲架啦!
而家同o左佢一齊飲小o左好多啦!如果真係要咪俾o的時間我囉!
曦:
咪係囉,你唔唸下你都唔得,就唔好叫人咁做啦!
鈞:
.......咁佢一個女仔,會危險...擔心好正常...
曦:
你夠係佢條仔啦,佢唔驚你飲大o左連自己條女係邊個都唔記得咩...
問心講,你飲完酒有冇試過斷片先?人地係屋企夠擔心你啦,可能係你立場夠得唔會有事
係唔係個個都咁睇先...係唔係係適當既時間去做o的適合既o野先?
你同條女係普通時間講佢成日出去浦,你駁一句你出去我咪去飲酒囉!係絕對唔會有問題。
但係當你女朋友真係出去玩緊時候你大佢,咪即係火上加油,放鬆o的啦,
幾個月你想人地點改啊?人地做o左十幾年人,俾番o的時間人啦!
鈞:
哈哈...算啦...都過o左去啦...俾幾多時間都冇用...

無聊的閒談先發覺自己做多o左......唉......

eva你又話打黎...打條毛咩!!!