尋晚1830返到上水,行去搵啊媽拎番o的煙,正常動作...打俾武哥
本身唸住上啊武度坐陣...點知...PCP...
又黎抖,唔知邊個撻著撐著邊個啦...我同啊武都好多o野煩...兩個互隊...
met哥黎到.....飲埋小小去馬仔記食一盅兩件......食完返去再劈....2100散場

2130過到聯和...再食過....可唔可以唔好次次都食面啊??
2200返去再飲...
出奇地唔知點解會有人做面膜......
完全唔知後日既party....原來有規則....
女士素顏無添加?!?!?!今次真係大檸樂......
都唔知邊個唸埋而o的o野出黎,真係會嚇死人架.....
雖然化妝者都係放低兩舊...唔知到時會點呢?
好在我不嬲都唔怕見鬼...因為已經成日都對住...識得我耐既人都知我其實唔係太鐘意女仔化妝...
其實身邊o個個都唔驚,最驚只係日日天光都返屋企o個個...哈哈...o個晚應該都幾.....
不過....算啦....我唸應該只係個個拎兩舊出黎....
個個放工先黎,唔通真係落o左佢咩.......

尋晚有人問我想唔想知佢多o的......拎o左幾本o野出黎俾我......
而家都好難搵到人仲手寫日記....原來佢寫o左咁多年都唔知....原來我對佢了解真係小之又小
第一本打開.....原全覺得自己睇緊小王子.......即係得o個幾個字...得相睇....
第一日好記得.....仲未識我既情人節....你好似得15歲炸bor...玩咩?
係唔係o的日記真係自己睇得明就得ga?
而家o的人個個咁興用o的外星文子既?完全唔識睇.....黎=泥 ? 
外星文.................................

睇完一本....都12點幾....唔睇啦...今晚再睇!
好小可會冇o左君君得兩個人獨處...
都好小可大家傾計會傾得咁開心...好耐都未試過...定係根本未試過?
講番舊事,大家都仲會開開心心......
不過最估唔到佢同我講緊女人心聲
"唔搵你唔係我唔緊張你,知你玩緊飲緊o野,打去俾你又唔係講兩句返入去,
 講多兩句又話我煩,咪唔打囉"
"我玩緊你打黎你想我點?玩o個時梗係話你煩架,但係玩完見到你冇打過黎仲燥,
 你真係唔使理下我,打黎又炆,唔打黎又炆,女人不嬲都係咁"
"有時都想你陪我出下去玩,但係又知同我o的fd唔識唔熟又唔岩玩,叫都廢事,
 你估見住個個成雙成對我好好受咩?但係始終都係唔想迫你"
"知你返工多o野做,口講咪叫你早o的訓囉,你估一個女仔夜晚一個人返去真係唔驚?
 我夠想你接我送埋我返屋企啦,不過次次講完你就真係訓覺唔理我,
 女人不嬲都係口不對心,話唔鐘意你都係想睇下你仲會唔會緊張我,
 激你都係想你氹下我,講俾你知有第二條仔媾我都係想你做好o的...
 咁都唔明"
"個個人拍拖,熱戀期過後一定悶,想有新解感,往往係而個時候一定會有一o的人
 係而個時間出現,好似係第三者,但係就係o個份激情過後,就會知邊個真係對自己好既。
 我唔信你未試過"

仲有好多,我都唔知要幾耐先打得完...
都唔知幾耐佢冇同我講咁多o野...
同一屋簷下...估唔到兩個人而家先會講咁多心事出黎...
而家見住佢返工好似生性好多...唔知佢捱到幾多日呢?
差唔多兩點,睇睇下碟佢就訓o左lu...抱佢返房先知佢原來重o左咁多...
一個人行返屋企...條路好似好長添...以前要成個半鐘既路....
今日兩三個字就到......仲記得o個條冇人既斜路...好黑既路......
唔知又邊個同佢行呢?

4月29......4月30......哈哈哈.....

我都想用手寫下日記....但係發覺拎起支筆...o的字已經唔係幾識寫....

我都係時候返下轉頭睇自己.....
學下做一個男朋友.......希望仲有機會啦!!