4月30號...
本身同JUDY食飯...點知老世唔舒服話唔使去明星食...改O左LUNCH去飲茶...
我地o個圍竟然食o左過千蚊...但係記住係luch...低b...有冇咁食得啊?

收工...同tamama第一站pcp有落...同華哥猜...頂...輸到喊...
9點半散場...十點鐘老聯準時上車...麻煩晒華哥啊嫂山長水遠接你地兩個寶貝...

未到場真係有小小緊張...真係唔知素顏會出現o的咩o野奇景,真係有標冷汗既感覺...
而家唸番起都驚...有人話我有咩o野大場面未見過?
六四未見過啦...打仗未見過啦...但係我都未過廿二條女素顏....難以想象...
真係唸起都驚...我最壞既心理準備只係...以為唔鐘意女人....
後話...驚黎都冇用,班女o的準備仲好過我地預期...個個戴帽戴眼鏡...連樣都認唔到...屌...

不過而次素顏party個名要改改...變o左男女互數大會...
兩公婆好地地因為一個m記係度嘈...好心你地兩個啦...加埋五十幾六十歲...嘈嘈嘈...
男歸男,女歸女...足足嘈o左兩個幾鐘...
嘈交內容我盡量記住...因為真係好好笑...
女:以前我住慈雲山,唔好講話外賣啦,晚晚收十一點幾十二你咪又係晚晚黎接我收工?
   o個時唔好講話慈雲山啦,流浮山你都送啦...追我o個時就乜都得,追到之後就乜都唔得。
   唔好話叫你山長水遠買完面俾我食啦,而家你係唔係連落樓下買個m記俾我都炸型啊?
   (記住...條仔住灣仔...我都服o左佢點解o個時可以咁q遠都送)
成班仔:啞o左...冇人敢出聲
女:你地班仔啊,永遠都係知我地條under係邊,知唔知女人條低線係邊啊?
   邊個女人唔鐘意俾人氹?邊個女人唔鐘意有人錫自己?
   你估出黎玩就真係乜都唔介意咩?出黎玩同埋純情學生妹都係一樣ji都係人...
   邊個唔想自己條仔緊張下自己?女人不嬲都心不對心啦...
   講話唔使你搵我,不知幾想你出黎搵我...唔想見你,不知幾想見到你...
   叫你以後唔好搵我...睇你仲會唔會搵我ji,你真係信ga?成班白痴仔...
成班仔:火燒心...著晒...(因為好似講中晒)
       開始反駁...講又係你地自己講既...打俾你又話煩...唔搵你又話唔搵...
       打多個電話又cut線...你地同班fd玩緊大晒既...我地玩緊o個時你地唸下打幾多次黎啦!
女:係啊...吹呀?玩o個時個個打黎都冇面俾啦...老豆老母都冇面俾....
   但係玩完見唔到你打過黎又著wor...吹呀...女人係咁...鬼叫你地鐘意女人咩?
男:搖搖頭...拎起隻杯...飲完...女人....唉....(勁記得而個場面...因為我加多句...
   永遠打橫行既動物)(加上而個動作,差唔多成場既男士都做緊)

轉捩點就係啊嫂爆樽...唉...開始做o野....
俾人推o左過去勸交...即係叫我過去受死...對住啊嫂不嬲都唔識講o野...俾人屌到口啞啞
啊嵐講晒我o的o野出黎...攪到我自己都覺得自己係唔係一個男人...
完住俾o的女屌到啊媽都唔認得...
啊嫂同我私低下係樓梯對話
女:入面咁多個有冇邊個睇得上眼啊?
我:個個都遮住個樣...睇唔到wor
女:玩o野啊死靚仔...
我:啊嫂...你唔好同我講你睇到佢地個樣啊?
女:屌你!
我:算啦...出黎玩都係開心ji...入番去飲啦!

點知入到去...唔知點解又係講緊拍拖問題...
君君問:你地而家仲有邊個會出去接女朋友收工ga?
男仔:有兩隻手舉起...其他o個o的...你眼望我眼...又好似真係好耐冇啦bor...
再問:如果你地條女唔舒服你地會點啊?
男仔:唔舒服咪叫佢早o的返屋企訓囉...可以點啊?我又唔係醫生...最多咪叫佢睇醫生囉..
再黎:你條女同你講今日好想食邊度邊度既o野...你地會唔會去買啊?
男仔:睇下我係邊啦!係屋企唔通仲買俾佢食咩?佢真係食屎啦!
一個又一個既問題...我都唔記得咁多...白痴又無聊....
都唔知真大定假大...一個問...又唔知點解成班都會答...

不過冇啦啦又有條仔問o左個白痴問題...究竟你地而班所謂出黎玩既女仔會鐘意一個咩o野男仔?
x小姐:最好就照顧到我,同我一齊玩就免啦,見得多都悶...
      我玩既時候有人會等我電話,唔好煩我...我叫佢出黎就出黎...有時間咪陪下佢囉...
男仔...o....而o的係咪叫自私....
x小姐:唔係啊...個個女仔都鐘意俾人追o個種感覺架啦....
      對住同一個人一定會覺得悶ga...唔係唔鐘意佢wor...只係係女人都會鐘意而個感覺
      問心...有幾多個男仔真係可以長遠到日日做番追緊自己o個時既o野??
      接收工...由同事羨慕我有人接收到...到同事問我做乜佢咁耐都冇黎過...
      送番屋企...由一個星期幾次...到一個一次...到得番一個電話小心o的...
      真係仲有幾多人仲做到?如果我搵到一個咁既男人我都願...
男仔:............有....不過死晒....係和合石搵搵可能有...

(類似係咁啦...我都唔係太記得)

4點幾我都斷晒片.....連點番屋企都唔知....唉.....
不過一個意外收獲........一個煩到仆街既電話....唉.......