今日星期六,返公完全係唔會有o野做,不過我發覺原來我身邊好多人都唔知我返半日,乜你地真係咁羨慕咩?其實返工冇o野做都唔係一年好事黎架,真係會悶死ga!

依舊今日返工上網睇o野,以前覺得同事三分親好無聊,不過睇睇下開始戀上黃家嵐而個角色。不來而o的處境喜劇,都帶俾我好多人生道理,由上司到下屬,男女朋友,又或者一家人既相處,可能中間我地就係忽略o左中間一o的好細微既事。我都估唔到自己要睇電視去學做人,唸起黎都有o的諷刺。今日睇o左一集,對於我黎講好中point 架,不過自問中文唔係差得去邊既我,我都唔係好識形容我自己既感受。經常見到好多男女朋友都話對方成日唔就自己,覺得對方應該點樣點樣,但係自己又唔會同對方講。個個女仔會話咁佢應該明我唸乜架嗎!男仔就覺得講出黎自己好似好小氣,成個女人咁!但係如果而一句說話唔講出黎,你就會失去對方,又或者人地一直都只係等你去講而一句說話呢?如果而一刻係你生命既最後一分鐘,你又會去點樣選擇呢?

記得有個人話我一直都冇乜點變,識我咁多年都係咁,乜都係顧自己,完全唔理人地感受,有事冇事都唔講,完全唔知有人會擔心!就算大事小事乜都唔會提一句,完全當人地冇到,仲重要係冇責任感。佢咁樣講完我都唔知可以講o的乜o野,我只係唸我咁多年以黎真係冇改過咩?我應我脾氣真係好臭(以前),不過自從離開o左pizza hut之後我都覺得好o左好多,而家有咩o野我會選擇唔出聲,你地鐘意點咪點囉!因為始終人大o左就要有所承擔,永遠做衰人都得到好多支持者,我冇話自己係好人,但係我唸我都未到衰人掛!