小朋友們的問題解決了,睇見佢地輕輕鬆鬆我都覺得會係一年好事,只不過我可以幫佢地解決到問題,唔知佢地又可唔可以幫我解決到問題呢?面對住啊軒壓力真係好大,有好多時都會唸,點解你揀o個個要係我,有好多事情真係唔係我能力做到既事。能力我會去盡,但係超出o左我既,我真係幫唔到。又唔知真係會唔會有人明白我呢?其實我都只不過係一個人,平時嘻嘻哈哈唔代表我冇壓力,冇問題,只係階段唔同就要用唔同既方式去面對!VAVA,其實你話我成日收埋自己,唔將自己既事講出黎,有時候唔係我唔想講,係真係唔知可以同邊個講,我收埋都好辛苦架,你識o左我咁耐唔通你真係唔知我係咩o野人咩?可能咁多人入面你同啊CAT係最了解我,但係有時講o左出黎都冇用,點解要講呢?而幾日真係頭痛......

記得而個情況係之前都有出現過,當時仲成日同肥東,好多事都要佢幫手,不過估唔到最後又係而個原因攪到我冇晒時間,連未行動都已經完結o左。而家又再開始,點解偏偏又係而個時間出現呢?灰晒...真係灰......今日見到華b,佢送o左四個字俾我"自己執生"啊曦俾多四個字我"事不關己"而我俾我自己既四個字"前路汒汒"

夜晚出o左去食飯,有開心有唔開心,唔開心係好似好梗硬黎,可能我寧願唔食就算,都唔想攪到個場面咁......我都唔識點講!