尋晚收工即刻返去搵啊華拎番本回鄉證,無錯係本啊,因為我仲未去整卡,不過差唔多要去整lu,就到期,我唸我都差唔多係最後一批人去換...唉...勁樣衰

拎完即刻搭車過荃灣,嵐媽媽叫o左成個月搵佢食飯都冇搵過,攪到係俾人迫既情況之下就咁出o左去!出到去除o左見到嵐媽媽外仲見到啊嵐其中兩個朋友,平時仲見唔夠咩,都唔知佢地兩個出埋黎做乜,成晚食飯都係背脊骨落。我唸住安安樂樂出去食餐飯ji,唔使咁呀?我夠想同佢o的關係好o的啦,但係得先得架......佢既然冇同你地講過o的乜,我都唔講lu...等我地兩個自己去解決啦!

食完嵐媽媽話約o左人去飲o野,問我地有冇興趣。我心情唔多好,一定去啦,而o個兩個女仔就更加唔使問啦,又唔使返工,又冇仔陪...唔落去佢地都唔知去邊!嵐媽媽其實唔係好大,如果我計番出黎應該係35-37,不過最慘既就係佢o的全部都係而個年紀,出去係咁wet我......未試過同成班咁既人一齊飲o野...個感覺我覺得好似做緊男妓啊.............

四點幾歸家,好在有人同我返屋企,咁夜又唔好意思叫人地一個女仔返屋企,唯有我讓半張床出黎俾你訓啦......

起身見到佢仲訓緊,廢事叫醒佢啦。點知我去沖涼既時候鬧鐘嘈醒佢,唔醒都醒o左啦,第一次煮埋早餐俾人食,食完送埋佢返太和再返工!結果遲到14分鐘......不過冇打卡扮傻.......現在超眼訓!

愛一個人＊

要 了 解 ， 也 要 開 解 ；
要 道 歉 ， 也 要 道 謝 ；
要 認 錯 ， 也 要 改 錯 ；
要 體 貼 ， 也 要 體 諒 ；
是 接 受 ， 而 不 是 忍 受 ；
是 寬 容 ， 而 不 是 縱 容 ；
是 支 持 ， 而 不 是 支 配 ；
是 慰 問 ， 而 不 是 質 問 ；
是 傾 訴 ， 而 不 是 控 訴 ；
是 難 忘 ， 而 不 是 遺 忘 ；

是 彼 此 交 流 ，
而 不 是 凡 事 交 代 ；
是 為 對 方 默 默 祈 求 ，
而 不 是 向 對 方 諸 多 要 求 ；

可 以 浪 漫 ，
但 不 要 浪 費 ；
可 以 隨 時 牽 手 ，
但 不 要 隨 便 分 手 ；
　

長久的感情只在乎大家相方對另一半的坦誠和信任

~~ 祝願天下有情人終成眷屬.......白頭到老 ~~

"其中一個媽媽級人士派俾我地既一張紙......"

睇完之後......感覺好矛盾.........