太耐都冇打過日記....而個日記都唔知可以打o的咩....

2009年又差唔多過o左3個月啦...個個都話虎年轉運...都唔知轉o左去邊...
好似仲黑過上年咁...成個人都灰晒....
由2008年頭講到2009年既問題仲未解決....今年真係要勁比心機....努力捱過2009年.....

問題始終都係要解決...唔知點解...兩個人既問題一路都解決唔到...承諾...信任....甚麼都沒有....

啊曦結婚...而個2009年最期待既事....
妳改變...係我而世人最期待既事....

 

星期五...收工同遊遊去飲o野...而個組合都唔知幾耐冇出現過....飲到咁上下...又要做o的例行公事...
搭車出去接收工.....唉......

收工食o野返佢屋企...完晒....
第二日一早起身....同佢入喜靈洲....基本上我真係好憎而個地方....
等佢....係坪洲食o左個幾鐘西北風....凍到我仆街...頂....
等佢探完佢舊男友...出旺角食o野...食完一齊搭車....恭喜你買到生日禮物俾人...恭喜你係前後5分鐘唔夠都有收獲....

等佢玩完再接佢返屋企.....真係著....
啊武電話....係大埔同兩個美女食飯都要仆番入上水....
原來感情問題絕對唔會係女仔尊利....
男比女更多愁更善感....
十一點半出發大埔....唱k....冇位....出沙田....飲支42度...完全冇料黎.....
3點走人.....就係咁簡單.....
兩位兄弟嘈交....唔好玩啦.....幾十歲人訓醒就算啦!!

希望武哥能挽救這感情......做人開心o的啦!!

我始終有o野擔心...放唔低...一唸起o個個場面....我唔想緊張都唔得....平衡永遠都拎唔到....因為我一定會緊張....

哈哈...今朝返工見到泰利...估唔到講o左咁耐...大家做o野既地方竟然係樓上樓下...哈哈~~

睇完小明既白痴xanga....想點啊你...又叫我唔好提...你自己又提....有時只是想說...改變你不是我...而是你...

尋晚病到仆街仲去飲o野....真係頂唔順...完全係死既表現...返到屋企食兩粒藥訓覺....太多miss call....

而兩日病到仆街...但係仲要左撲右撲...一世勞碌命係唔係最岩形容我....
有時唸...係唔係死q o左仲好o的....乜都唔使煩....

Tamama話好後悔行o左七年前既一步...我都唔知可以講o的咩...節哀吧啦!!

有人問我會揀一個我愛佢多o的既人定係佢愛我多o的既人...唔識答你...
只可以講...一生人一定有幾個人出現係你面前...而你去唔去把握...就睇你自己啦!
我其實會揀一個我愛佢多o的既人...有時寧願自己去接受...好過勉強人地...因為有一刻佢始終會離開你....

咁究竟日後結婚o個個又係點呢?真係兩個都愛大家?定係只係咁岩有人肯要..定係有人肯嫁我呢?
而o的冇答案既問題....都唔知點解要問我...
一齊o左開心又好...唔開心又好...自己覺得值咪得囉...人地既意見係唔係真係要聽呢?而家對住佢成世o個個好似係你自己wor....

我其實要求都唔係好高ji....
我都只係想佢係我有事既時候問候我一兩句....
唔好做o的我唔鐘意既事...
好多o野你點對人...人地點對你ji....將心比己...都唔知係邊度學番黎...
緣來緣去........睇化o的啦......
將來既事都冇人知...話唔定真係一陣行出馬路就俾車車死呢...唸咁多做乜....