2005 年 5 月 3 日  星期二  煩，行街

今日朝頭早同呀媽返學校見呀sir(家長會) 然後同我講話我因為成績差，所以都係唔好簡band2架啦 ．．．．．．〞覺得自已好有問題，唔想讀．．好煩 然後同呀媽出左去旺角，搭地鐵果時係咁同佢傾中學果Ｄ野 傾下傾下，傾到去上次kcm面試果到．． 傾下傾下冇咩mood，然後有Ｄ想喊．． 但係過左去啦，算吧啦！都係要面對現實．． 傾下傾下，我就開始諗到我派位果日會發生Ｄ咩事 我諗到我係會係咁喊，然後喊到嗌呀媽 但係嗌佢都冇用啦．．．咪又係讀埋果Ｄ超唔想讀既學校．．、 由果次去睇左冇得面試之後，我就開始唔識得笑啦 Ｄ同學同我講笑話，我都唔覺得好笑．＆ 睇黎我都係要上網聽多幾次「黑色星期天」先得啦！ 我諗我聽完之後會幫到我一個好大既忙，到時就唔洗煩．＆ 講到呢到，我想喊，又好想訓覺 喊一次不如訓一覺，我都係聽左黑色星期天先訓．． 咁可能會好Ｄ！

-------------------------------------------------------------------------------------------------------------

2005 年 5 月 2 日  星期一  悶

今日都幾悶下．． 冇人陪我玩ＩＣＱ．．＊﹏＊ 然後我上左cutiestar到睇小說 然後又去左小說村到睇小說．．好好睇牙！ 睇完之後都冇野做，聽日又唔洗返學．． 聽日家長會，我要同呀媽去見呀ＳＩＲ．． 我簡好哂Ｄ中學啦．．第一到三十都簡好哂啦！ 講住咁多先！要去睇小說牙！

-------------------------------------------------------------------------------------------------------------

2005 年 5 月 1 日  星期日  去玩！！

今日約左風仔出黎玩牙！ 但係唔知玩咩，所以見完就走啦！ 我好唔好意思牙．．咁快就要佢走．．=.=" 我呀哥個同學又唔出黎喎．．一齊出黎玩牙嘛！ 然後同左呀琪去葵芳行街．． 然後一齊去食sushi，然後又影貼紙相．． 影得可令令牙！>3< 然後，就坐左係貼紙相果間野出面果Ｄchair到傾計．． 然後有三個男仔係咁望過黎，唔知做咩野 然後我同呀琪講左Ｄ搞笑野，話果三個男仔望住我地 係因為我地好樣衰，好想打我地先望過黎．． 然後呀琪係到狂笑．．然後講左好多好笑既野 之後傾到五點半就送左佢去搭車，我就返屋企．． 返到屋企好累牙！>< 好想訓，但係因為我呀哥未返屋企，我就要用呢段時間去玩電腦．． 聽日又唔洗返學，唔知做咩好．．

-------------------------------------------------------------------------------------------------------------

2005 年 4 月 30 日  星期六  喊．．等於甚麼？

尋晚我唔多開心食完飯之後．． 然後我入左媽咪間房到一路聽mp3，一路諗返前晚果D野．． 諗下諗下，我引唔住喊左出黎．． 真係好苦牙果隻感覺．．喊下喊下係呀媽間房到訓左 訓到今日下午十二點幾．．訓醒先知自已尋晚係到訓覺 因為我尋晚訓左呀媽張床，搞到我老豆要訓廳．． 今日好唔舒服，好似發燒 但係我冇去睇醫生．． 四點幾果時，我同人玩icq 然後，又識到一個人．．男仔黎既 我講左句野，跟住好似激嬲左佢tim......." 屎呢！激嬲左人tim．． 然後，我又諗返尋晚諗果D野，又喊左一陣．＆ 唉！宜家仲忙緊中學果D野．． 想入燕京tim...又想入石天，又想入Kcm．． =.="太難簡啦．．真係有D唔想讀．．

-------------------------------------------------------------------------------------------------------------

2005 年 4 月 29 日  星期五  參觀．．唔捨得走牙！！><

今日淨係上半日堂 lunch左之後，我地果級去左參觀中學 去左「石籬天主教中學」到參觀 哈哈，個校舍都幾好牙。 我抽中左去玩手球同埋陶瓷牙。 嘰嘰．．好好玩牙，我整左陶瓷先去玩手球 我幫個老師手整左一個杯出黎，然後佢地送左一D陶瓷既作品我地 然後去玩手球，嘩！超正牙！>< 好鬼excitied，超好玩．． 我地玩手球之前首先玩左個遊戲熱身先 人地玩果時捉左我地果邊既人四個 我地果組有我同埋兩個女仔，佢地都唔行拖住果個手球隊隊長 然後我咪拖住佢地lor，佢地話我大膽喎！=.=" 拖住又唔會有ＢＢ既．． 最後，我地一個都捉唔到．．= 3 = 然後就去玩手球，我地果組玩手球果到贏左，3比1．． 哈哈！但係計埋之後果D就係打和 然後我地果組個隊長(石天手球隊隊長)同第二組果個隊長磋．． 卡卡，我地磋贏左．．哈卡卡卡！！ 然後有D毛公仔送比我地，D男仔就唔知送D咩野 但係我都唔玩毛公仔既，我送左比魏Ｂ．＆ 佢好開心，但係佢有兩粒糖 叫佢請哂黎食都唔得．．我隻公仔好大隻架．． 我薜左水牙！佢撚化我．．嗚．． 我又比人撚化啦．．嗚．．= 3 ="" 然後，我同魏Ｂ係Ｈａｌｌ果時係咁望住D果到學校既男仔，that means哥哥 然後，我地聽到當地學校既女學生話，我同魏Ｂ點解成日望住D男仔．． 有得解！但係唔講得．．一D好特別既原因牙！XDDD．． 走果時我同魏Ｂ都唔捨得走．．但係過左一陣就冇事啦！ 我今次體驗到中學既生活牙！！真係好鬼想快D畢業牙！ 快D中學牙，然後入手球隊．．嘰嘰∼ 宜家我又愛上左手球啦！！>3< 我實左鍾意太多運動啦，又籃球，又排球，羽毛球．． 宜家整多個手球，卡卡！！=.="

-------------------------------------------------------------------------------------------------------------