2006 年 5 月 29 日  星期一

＊為何 總要留在我身邊,難道雨真的要下個不停?＊

今日6點9就起左身,

唉...勁眼訓呀。

之後就啦啦聲咁去汁野啦,

跟住feel到唔係好想去家舍呀。= ="

咁係冇辦法之下,

我都係出左門口,

去到車站,見到呀婷已經企左係度,

又見到有車黎緊,咁就啦啦聲飛奔過去啦。

之後返到家舍,點解見到我地班人影都冇隻,

咁係5樓等左勁耐呀,

點知之後先知原來放低左d野就唔洗理,

唉...挍到我成身汗。

咁之後就係咁上堂啦。

冇咩特別,

到左放學,一上到佢冇幾耐,

佢就話咩去6樓玩遊戲,

嘩...一開始果個就冇咩特別,

點知第2個就好難玩呀,

要帶眼罩,12個人分開曬,

我係尾2果個比人帶走架,

勁恐怖,玩完都唔知比佢帶左去邊,

佢一話開始,大家就向住大雯拍手果邊行,

我一初聽唔到架,

之後先行到過去,跟住又要排數字大細,勁難呀,

我成日比人推黎推去,唉...勁唔知自己係度做緊咩,

之後仲衰,到左食飯果時,

佢冇啦啦話饑饉餐,

只係得幾條菜,一碗飯同一磚腐乳,

唉...雖然係岩岩好飽啦,but我覺得d腐乳好鹹呀,

唉...好無奈lor。

之後有一個做記者嘅校友黎同我地分享,

佢講左咁多野,我最深刻就係佢比一d佢係六四果時去北京拍嘅片段,

因為真係場面好震撼呀。

之後就訓教啦,

點知唔係好想訓,因為佢地本來話會出廳玩,

點知等左佢地勁耐都冇聲氣,

咁就訓鬼左啦。= ="