近期熱愛玩facebook呢個blog
係呢到我可以搵番好多好耐無聯絡既朋友
一d似曾相識..但係原來係唔識既人
仲有小學同學..同中學同學
竟然比我搵到佢..真係估唔到
回想起我同佢已經係7年前既事
原來佢一直都冇轉過電話
依然仲係用緊個個號碼囉
有句說話其實一直都想同佢講
但係冇咁機會..冇咁既勇氣
諗番起當初我真係好衰囉
同佢感情一直都好穩定
受唔住第二個對我好
背住佢同左第二個一齊
個一剎那基本上覺得自己無做錯
而家諗番起係大錯特錯
好想..好想..同佢講聲對唔住
不過我冇咁既勇氣去sd呢個訊息
人地而家又有女朋友
我驚咁做會令到比人誤會
唉..唔講呢d啦
琴晚同佢去左飲酒
12點幾又過埸去左第二間
呢到我真係未黎過..聽就聽得多
終於可以見識下泰吧既利害
佢地唱個d歌我一句都聽唔明囉
2點幾買埋野食就番黎
可能飲左酒既關係
又斷左片囉..真失敗
訓醒個頭勁痛囉..
食完野之後既事我完全唔記得囉
天氣都仲係咁凍..都唔知想點

可否給我多一點點勇氣..!!