年三十 6點幾就整野番屋企食飯 極速咁用左10分鐘食完碗飯 因為哥哥係樓下等緊我 番上去坐左陣等細b過黎車我 同佢地係元朗遊左陣 等齊人就去行花市 行完就去左凱旋搵阿輝 2點幾就回程番村 一番到就訓死左 年初一 因為婆婆唔過黎食飯 所以唔洗咁早番屋企食飯 10點幾起身係村梪左陣利是 今日冇村巴出元朗..so要撘的士 第一站去水蕉搵哥哥先 係村口呆等左佢好耐 見到我問我做咩唔同佢拜年 講完幾句新年說話就比左封利是我 估唔到..今年第一封收既竟然係哥哥既 往年都係收到媽媽既 好開心呀..多謝哥哥 番屋企食飯..食完就等細b過黎車我番村 都係冇咩做..係到睇佢地賭錢 年初二 一早起身番屋企食開年飯 食完就同媽媽佢地去左探叔公 之後等哥哥過黎搵我 又係無野做既一日 年初三 今晚係村燒野食 因為係鄧先生既生日 晏晝就同佢地出去買野 買左2兩個蛋糕 點知有一個比思進掟左囉 shine哂人地既心機 都ok多人既..終於都見到小四喇 08年約到佢09年 年初四 由年廿八痛到今日 究竟仲要痛幾日呀 胃痛加上小便痛 點解會咁既架 攪到我呢個禮拜都冇覺好訓囉