落雨...冇得去天文台!!!
搞到冇咗個望遠鏡....
跟住去phy. lab.睇戲....
睇咗《未來接觸》!!!
成日記咗套嘢叫未來戰士....
睇完返班房...想整理返個locker....
見到城城班友喺度踢波!!!
拎返d書放返書包...
返到phy. lab....佢地話睇《地心浩劫》!!!
因為仲有一隻碟mingho話好悶...唔記得叫咩名...
所以就睇《地心浩劫》啦!!!
但我睇過3次啦...唔想睇....
之後返去班房睇佢地踢波!!!嘩!!!!
迷你嘅場....半個課室都冇....
迷你嘅波....同手球差唔多果隻...3號波!!!
迷你嘅隊....兩人一隊....
迷你嘅比賽....咁少人...踢咩鬼聯賽盃!!!
服咗佢地....
同佢地計分...計時...
雖然係超迷你...但好刺激!!!
但我冇踢...唔知做咩呢排唔係好想踢波!!!
但喺側邊睇都唔錯...
而且心理壓力好大....
驚比佢地head shot!!!
嘻~
放學去咗大快活食飯!!!
之後同劉叉, 乳牛, 陳智灝, 馮永佳, 李子澄, 王學謙...
一齊去打golf...
啊康...rannie食完飯之後一齊行...
行到新屯之後就唔知做咩走咗!!!
仲有個姓陳嘅唔似男唔似女嘅都跟埋黎!!!
去到book場...
六張身份證一齊飛咗出黎!!!
上到去...放低個袋...
除咗件冷衫....跟住就開波!!!
佢地都唔等我嘅...
全部友已經開始打啦!!!
乳牛好勁!!!人地打波向前飛...
佢打波向後飛...仲飛咗落後面草地度!!!
強呀!!!但慢慢教完佢....
終於好d啦!!!仲可以一球比一球打得遠...
最後可以打過60米啦!!
劉叉果d都打得唔錯...練多d就會好d嫁啦!!!
王學謙都幾勁...起碼過到100米...
其他人都可以打到60到80米度....
而我...超慘!!!始終都係做唔到!!!
最多只去到150米...多數都係110至130米....
好想打到200米!!!但太遠啦...而且d網頂住...
揮掍會打到d網...用唔到力...所以打唔到200米!!!
隻手指公同食指甩皮...好痛....
包好膠布再打....但都係好唔自然....
所以到後尾冇咩打!!!
只係臨走前5分鐘度....仲淨好多波!!!
劉叉叫我打哂佢.....
我倒哂d波落個草地毯度.....
一下打哂d波走....全部10幾粒一齊飛出去!!!
但有d飛左...有d飛右...有d向下飛...有d飛得超高!!!
散哂....唔知樓下d人見到咁多波從天而降有咩感覺呢???
不過如果唔打哂d波...咁拾波d人咩冇嘢做!!!
呀!!!仲有....d拾波嘅工作人員咪坐住喺架車入面去拾波嘅!!!
佢地架車一開出黎...我地成班友對住架嘢黎打...
冇次中車身!!!所以次次到最尾都用手掟!!!
用手掟中車身...但入面個人一d反應都冇...
可能習慣咗掛....都冇癮嘅!!!
好耐冇打過香港d golf場啦....
今日打完...覺得同新加坡,印尼果d場差太遠啦!!!
香港d場比果度細...而且風景唔係好靚....
個場地設備都唔算完善!!!
不過都過得去....
最緊要有嘢玩!!
|
