琴日(7月16日)...
朝早9:00返咗學校補comm.!!
又話補到1:00p.m...
點知未到12:00p.m就打烊啦!!!
之後換衫...換完去搵啊龍同裕恆....
裕恆就正啦!!!一有籍口就可以唔洗補課....
但我地就一定要去!!!
真慘!!仲要唔比着便服....
咁先折墮!!!
啊龍同裕恆出咗去買d嘢!!
我同劉叉喺中心等佢地返黎...
我就順便打埋電話比mingho....
佢11點補完課就返咗屋企...
而吹水電話就打唔通!!
最擔心就係佢!!!
好彩到最後佢都開咗機...
成功搵到佢...
佢補A-maths...補到半堂就走人!!
但係唔知會唔會比人罰???
我,劉叉,龍同裕恆...
4個喺度拾嘢...一邊等佢地黎...
一齊食飯...等咗好耐!!
佢地全部到齊...
跟住買咗午餐上中心食!!
食完玩咗陣紙牌麻雀...
玩咗一陣show hand....
跟住出發!!!
巴士去到唔知叫咩名嘅地方...
之後轉咗一程小巴去西貢...
最後再轉多一架小巴去海下!!!
最後果架小巴嘅司機....
唔知係唔係個飛車黨....
坐佢車同坐海洋公園過山車差唔多!!!
裕恆都比佢搞到暈!!!
之後就用腳行入去營地!!!
d山路又有蜘蛛網...又有地雷....
真係happy hour啦!!
有彩冇中招....
去到營地...成身大汗!!!
噴咗止汗劑都冇用...
就係咁成身濕哂咁去起營...
 
點解個營冇濕...而且個身都乾埋!!
可能大風吹乾咗....
一起好營就去釣魚啦!!!
用d蝦仔黎做魚餌...
釣咗10條度...但有3條唔食得....
  
因為兩隻"雞泡魚"...一條太細唔食...後面果兩張!!↑↑↑
裕恆一開齋...就係"雞泡魚"!!
但佢係釣得最多...
啊龍最勁係釣到一條"石斑"!!!
不過唔夠劉叉勁...
佢竟然釣到一隻蟹!!!
我同mingho就冇進帳...
吹水就一直口水多過茶...
不過都比佢釣到一條!!!
我地個"泥蟃"籠...入面d魚都係釣完放入去!!!
 
冇自己游入去嘅魚!!!
唔通d魚咁醒...知道係陷阱???
冇咩可能!!
釣到7點幾...就起爐...BBQ...
   
d火好型...超靚!!!
     
我地燒咗好多嘢食....
裕恆屈機屈咗兩次就飽咗啦!!!
燒到最尾...就燒今日釣黎嘅魚啦!!!
   
裕恆食咗兩條自己釣嘅"池魚"...
而吹水就食咗啊龍釣嘅"石斑"...
吹水喺燒魚時比d魚嚇到跳黎跳去!!
一將d魚伸到佢面前...
就即刻跑走!!但點解吃魚時又唔驚??
仲可以食得好滋味...
吹水食嘢時d表情好正...
   裕恆見到都O埋咀!!!目瞪口呆....
啊龍,劉叉,mingho,我...
4個人....冇食過d魚!!!
我覺得會好難食...
我地隔離營..d人喺度玩火!!
用d樹根...樹葉...全部放哂落去!!
d火燒到勁大...
食完嘢...到10點幾啦!!
之後拾嘢...同埋去沖涼...
跟住就開始打麻雀,show hand,鋤dee...
好好玩!!好刺激....
全部玩到癲哂...high哂!!
劉叉,裕恆...兩條友!!!
一邊玩show hand...一邊打psp同埋nds!!
劉叉就差唔多鋪鋪反....
裕恆就有一兩次贏錢....
羸超多...但到最尾輸清光!!!
show hand狂玩心理戰...
啊龍超勁...一下贏哂裕恆d錢!!
玩玩下...玩到3,4點!!
惗住繼續玩...唔訓....
之後去睇日出....
但啊龍,劉叉,裕恆,mingho都去哂訓...
我又跟埋入去!!!
龍,劉叉,裕恆一個營...
我,mingho,吹水一個營...
吹水一入到營...話唔眼訓...
講鬼故...一講完...吹水就訓着!!!
最快訓咗就係佢啦!!!
之後mingho訓埋...我好悶...
就訓喺度玩燈...玩玩下就沈睡咗!!
仲有個死人吹水...
BBQ果時想去營度拎嘢....
見到有隻曱甴喺佢個袋上面....
叫吹水唔好行埋黎!!!點知.....
佢一行過黎...仲要拉起個袋!!!
搞到隻嘢喺個營入面係咁爬....
好難先捉到佢!!!
好彩我地捉到...啊龍佢地就慘lo...
有隻蚱蜢喺佢地營入面...
爬唔到...唔知仲喺唔喺入面添!!
係我就一定唔去訓覺!!
唉~真係慘...
一打開眼...啊龍話太陽出咗黎啦...
但係上唔到去上面山頂睇...
因為封咗路!!!但喺營地望過去都唔錯!!!
d風景真係靚!!!
   
啊龍唔知幾時起身捉咗6,7隻蟹仔!!
但係只有得同蝦差唔多大細嘅...
所以拎咗黎做魚餌...
好多魚食...但今朝d魚好強!!
好難釣...但比我開咗齋...仲係只有我一條!!
其他人今朝釣唔到...
琴日d蝦仔用哂...今日用琴晚BBQ用剩嘅腸同丸...
d魚好快比我地餵飽!!!
最後用唔哂果d全部倒哂落去....
我惗其他人起碼一個星期唔洗釣魚啦!!
嘻嘻~
釣完之後收營....收完之後就去上面個營度玩水戰!!
幾好玩...吹水將d氣球整到好大...
 
好易就會爆咗!!!有幾粒自爆添!!!
我地接波d姿勢好搞笑...
     
一唔小心就會爆波波...搞到成身濕哂!!!
裕恆仲好悲傷咁...睇背影就知!!
玩哂d波...就開始用水樽....
成身由頭濕到落腳....底褲都濕埋!!
啊龍坐喺度扮冇嘢...之後偷襲裕恆...
點知比人反擊...濕埋....
玩到12點度...去沖涼...
沖完就走人...返屋企...
行到出去一間士多仔...買咗嘢飲...
坐喺士多度hea...等夠鐘去排隊搭車!!
喺d小巴同巴士上面...我地成班都訓哂覺...
吹水仲訓咗落一個坐喺佢隔離嘅婦女嘅手臂度!!!
我坐巴士時就喺度玩nds...
一返到中心...放低嘢...就去買嘢食...
極之肚餓!!之後返到屋企仲食咗杯麵!!!
但仲係有d肚餓...
相喺相簿...自己睇!!
呢張影得最靚!!可以拎黎做桌面....
|
