外公外婆走了...朝早送佢地去機場!!!
幫佢地check in...搞掂咗...
航空公司嘅人話一陣有人帶佢地入去!!!
因為入面d路好複雜...驚佢地唔識行...
所以我搞掂哂d嘢之後...準備走啦!!
行咗幾步...我外公叫停我...叫我過一過去!!!
做咩呢???唔通有嘢要比我???
我估得冇錯...見到佢伸隻手入衫袋...
我轉身想走...但係佢已經行緊過黎!!!
將d錢塞比我...我用手推返比佢...
我唔想拎佢d錢...佢話返到大陸又唔會用港幣...
就話留比我用...我就重複緊個動作...
話可以等下次黎再用...但佢係要塞比我!!!
最後我只有收咗佢...將佢放喺褲袋帶返屋企!!!
冇放入銀包...因為驚平時亂咁洗...
唉~佢地走咗...屋企都係咁嘈!!!
因為仲有個表妹...
外公外婆成日都去黎度..去果度...
次次都經香港...所以唔會點唔捨得...
返正過一,兩個月又見面!!!
仲有日日都會打電話....
所以佢地好似日日都喺我地附近咁...
搞到我地屋企日日都幾廿個長途電話!!
好啦''''唔打啦!!!
都打咗好多...打陣機先...
|
