朝早落咗一場雨!!!
跟住又出太陽...
雲都幾多下!!!
msn顯示嘅天氣仲話有雷報...
真係變幻莫測....
陳裕恆喺1點度打黎....
問出唔出去食嘢??!
但係我啱啱先食完!!!
所以佢就打比micheal同劉叉問啦!!!
之後打返比我...
約咗1:45p.m喺k52站等...
但我落到去唔見人...
以為陳裕恆冇等我!!!
又啱啱好黎咗一班車...
就自己上車...
喺車度...猛咁打比佢地!!!
但係冇人聽...
到咗之後...
就行過去頭先陳裕恆話想食嘅果間嘢搵佢地!!!
行緊去嘅途中...
劉叉打黎...話頭先聽唔到電話響!!
我問佢喺邊??佢話仲喺屋企...
所以又要轉頭行去劉叉屋企!!!
行行下...陳裕恆打黎....
話頭先等咗我好耐...
等咗兩班車wo...
跟住就返咗自己屋企!!!
我聽咗之後...心入面講咗句....
"頂...oh my god!!!唔係掛...."
之後我叫佢出返黎....
一路行緊....無啦啦見到micheal行緊過黎...
又係拎住電話....我地兩個見到對方都呆咗....
估唔到...佢話同劉叉講緊...
原來劉叉打比我之後...打比佢!!!
陳裕恆又喺打比micheal之後打比我....
搞笑.....有冇咁巧呀???
之後去劉叉屋企....
劉叉落黎接我地....
我大約喺100米的地方....
跟micheal講...
"劉叉玩緊佢d鎖匙...我聽到d『鈴鈴鈴...』嘅聲"
micheal唔信....之後我地行埋去....
証實咗我聽得冇錯!!!
聽力太好了!!!
劉叉知道咗...都冇反應....
上咗劉叉屋企....
玩咗陣......
約咗陳裕恆喺劉叉樓下嘅k52等!!!
但遲咗落去....
見唔到佢...
之後我同micheal行去置樂....
又喺途中見到陳裕恆拎住副Tally-Ho....
係我踏落馬桶果隻黎嫁!!!
佢話上面仲有貨....
有貨???唔係好信....
次次入得果幾副....
兩,三日之後就消哂!!!
所以我唔知仲有...
果然上到去....個店長話最後果副啱啱比人買咗!!!
就係陳裕恆果副!!!
我頂....我想要Tally-Ho呀!!!
仲見到David Blaine自己設計出版嘅3副牌!!!
David Blaine係美國著名街頭魔術師....
果3副...每一副要$70幾!!!
唔買住...等依家d牌用到殘哂先再買啦!!!
跟住就去食嘢...
食完去篤波....去到話要排隊....
排第3....之前次次都排第一嫁!!!
佢地話想走啦!!!好排等呀!!!
但都係喺篤波房出面玩牌...扭骰...nds...
一邊等一邊玩!!!
之後等咗成粒鐘....忍唔住...走啦!!!
搭小巴去劉叉度....
有micheal,我,陳裕恆,同埋jacky仔....
jacky仔係micheal表弟....
佢係頭先喺置樂買牌時撞到嫁!!!
又咁巧....
去劉叉度同chiyeung玩咗幾場跑跑...
同陳裕恆挑機....
佢地3個(micheal,劉叉,jacky)..
喺廳玩PS玩得好開心!!!
玩到7點幾返屋企....
陪jacky仔行到去兆麟....
之後搭返k52返黎!!!
好攰...好眼訓!!!
要早d訓....如果唔係聽日驚起唔到身...
廢時一起身又怱怱忙忙咁...
趕住返學!!!
|
