朝早4:00起咗身...
訓唔着啦!!!所以就去睇電視!!
但係唔知做咩...個天針對我...
一起身...離開個床....個天就開始落雨!!!
連續幾次都係咁...所以最後都係乖乖咁訓喺張床...
訓到7:00...準時打比吹水叫醒佢!!!
因為廢時佢又遲到....
跟住就食早餐...食完就落去等mingho...
點知佢到咗先!!!
then,去咗百佳買嘢食買嘢飲!!!
之後就去搵啊龍啦...吹水同裕恆都到咗...
啊龍去禁機拎錢...之後等埋另外兩個人就出發啦!!!
坐962去到金鐘...
喺車上面...我地喺度打機...玩牌...
前面有條友轉個頭過黎叫我地唔好出聲...
佢話佢要訓覺...叫我地唔好糟!!!
之後我地就冇出過聲啦!!!
到咗金鐘...等埋connie同其他人...
就坐629去海洋公園啦!!!
吹水部nds比我地玩到冇電....
所以我地就叫比部psp我地玩...
但係佢唔比...因為佢玩緊!!!
所以大部份時間都係呆坐!!!
到咗啦!!!connie去咗拎入場票...
我地喺度玩...我比我表弟d搞笑片mingho睇...
吹水...啊龍...裕恆都過咗黎睇!!
佢地問我做咩唔寄去笑笑小電影...
真係笑到肚都痛...呼吸困難...
connie拎完d飛...我地就入去啦!!!
好正....入到去見到d人喺度玩水彈...
好多嘢玩...但係唔想咁快濕身!!!
所以走啦...
第一站....越礦飛車...好嘢...
第一次玩....唔錯!!!
之前幾次黎海洋公園...覺得無聊冇玩...
有一次去排隊...排到我第1時...
竟然落雨...暫停開放...
之後喺度等咗幾分鐘...之後走人...
點知一走開...即刻冇雨...
又開返...真係p佢個k!!!
唔想再排過...去咗玩其他...
今次第一次玩...覺得幾好玩...
吹水坐我側邊...落坡時...
佢將個頭伸咗落我個背脊度...
佢個樣笑死人!!!
佢玩完仲話要買相...
但係張相得返佢半塊面...
所以最後都冇買到...
mingho同裕恆冇玩!!!佢地話驚...
mingho話時速超過70公里都唔坐!!
但又坐巴士...小巴....
之後我地又去玩過山車!!!
mingho同裕恆話自己去玩其他嘢...
因為跟住我地...佢地只係喺度等...
咩都冇玩!!!
我地喺過山車度見到某位"美女"...
冇人敢同佢坐...佢最後又唔坐...
淆底wo...謝天謝地啦!!!
我又同吹水坐...佢個樣冇變...
但係過山車有嘢頂住個頭...
所以佢擺唔到個頭喺我背脊...
玩完之後又話一d都唔驚!!!
之後去食嘢!!!叫雞食!!!
唔錯...半隻香雞...但薯條好難食...
食完去玩海盜船!!!
mingho話佢玩到心臟停頓...
以為返唔到黎呢個世界!!!
佢真係咩都唔玩得...好慘!!
我地原本想坐最前或者最後...
我同吹水坐最前....啊龍佢地坐後面第2排...
同我地面對面...
佢地見到吹水個樣..個個笑到冇力!!!
我見到佢成個身打側哂...又伸個頭去我背脊...
我就全程抓住果條吊住海盜船嘅鐵....
成個身離地...唔係地...係坐位...
成個人就黎拉咗出黎!!!好玩!!!
跟住唔記得玩咩啦!!!
呀!!!跳樓機隔離叫咩"咩咩飛鷹"...
坐咗入個籠度...我伸隻腳出黎...
踏住地下...用力...搞到個機身慢慢喺度轉!!!
唔洗電動啦...用腳動啦!!!
之後d閘off咗...開波啦!!!
上度去喺度訓覺...好涼爽...好舒服...
玩完好想再上多一次...超舒服!!!
之後去咗玩跳樓機...吹水比我拉去...
但排完隊...佢淆底...走咗佬...
得返我一個人坐...超無聊!!!
之後佢地又話玩多次...
吹水比我地話佢冇義氣!!!
佢就話陪我坐一次wo...
坐嗰時...佢驚到死...
我要伸隻手過去扶佢!!!
但玩完之後佢又話唔驚....
之後去玩攤位....玩搥仔...
啊龍第一次40幾...第2次68...
我第一次64...第2次67...唉!!
啊龍仲玩咗射籃球...不過中咗好少!!
之後我地仲去咗水母館...海洋館...
mingho同裕恆就去錯咗...去咗鯊魚館...
我冇去到....因為鯊魚冇咩嘢睇!!
之後行去鑬車站...落大雨...成身濕哂啦!!!
之後打比啊龍..佢話佢喺冰室!!!
又要行返過去搵佢...
去到見到冇咩人排跳樓機!!!
所以又玩多次!!!
坐咗上去之後...開波!!!
上到最頂...竟然又落大雨...
頂...玩完之後又冇雨...頂!!!
d工作人員仲叫我地"算把啦"...
玩完去坐鑬車...又行返上去!!好攰!!
我地真好彩....
我,mingho,吹水,裕恆同一部...
我地分開3部...我果部嘅no.真有意思!!
no.係......169...
之後落到去...佢地買嘢食!!!
之後走人....唔去睇熊貓...
我以前黎海洋公園都未去過睇熊貓...
下次要去睇下!!!
返到金鐘...搭車返屋企!!
啊龍話佢去灣仔買魔術嘅嘢...
唔知會唔會買dark ghost呢???
今日玩得好happy...
有相睇:
 
 
 
仲有d放咗喺相簿!!
|
