| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
| 2006 年 3 月 17 日 星期五 |
 | |
| 今日考數學... |
今日一早返學校~就搵醬爆幫我補數~之後考卷一~配對d英文同公式都唔岩~我冇同老師講~我照卷既公式計~好驚唔合格~突然覺得自己好白痴~之後考數學卷二~MC有一、兩條唔識~差d唔夠時間做~忽然覺得自己讀書好屎~讀屎片~每一日考完試都有錯~覺得自己好失敗啊~突然好想飲酒~可能真係可以"一醉解千愁"~雖然麻醉自己~唔可以解決問題~但我又可以點~
放學返黎~我訓左覺~不過每當我差唔多訓著既時候~都有人打俾我~之後同左阿媽去食和民~由我見到佢第一眼到我食完野~佢都係傾緊電話~我想同佢講今日考試d野都唔得~以前既佢唔係咁忙~但由於家計問題~佢努力搵錢~我亦都冇埋怨佢~有d人唔希望佢媽媽成日係佢身邊~以前我都係咁諗嫁~而家...我想阿媽每一日都陪住我~但係而家同佢一齊~都有第三者~同阿媽傾計真係咁難咩~之後佢去左銀行~我返屋企先~我吸塵塵~之後媽媽返黎煲湯~我溫左陣豬~之後又訓左陣~起身就食飯~之後媽媽沖完涼就訓覺~佢唔舒服喔~聽日又要返大陸~本來阿翠叫我落去攞信~但我見媽媽唔舒服~就冇落去~之後我洗碗~then我就去左沖涼、刷牙~
今晚同左潘潘傾電話~傾左好多野~或者佢同莉都係最了解我~我講左好多野俾佢聽~同佢傾計真係好舒服~可能我地係同一類人~佢話佢而家好火爆~我話我冇火爆好耐lu~佢話反而佢想冇咁粗魯~我覺得當你同以前變化大左~你會響往以前既生活~哈...諗番起~以前咩都係我揸旗既日子~都唔錯~話哂事~大家唔會斤斤計較~大家都知對方講笑~講野唔使避忌~真係幾開心~
聽日阿媽又返大陸喇~星期一先返~唉...點解偏偏我最需要人幫既時候~身邊既人都走哂~我想搵人傾心事啊~係中學入面~我覺得一個都冇~究竟係我出問題定係其他原因!?今個禮拜同阿媽一齊既日子真係唔多~點解阿媽成日要離開我~點解佢唔問我~我有冇掛住佢~人大個左~父母一定會唔理佢嫁~如果係咁~我寧願唔大~四月開始~阿媽又要上堂喇~又好多時間見唔到佢喇~加上佢既平時忙碌~我見佢既時間~只有佢係屋企既小小時間~冇人陪我既日子~我要學習單獨一個??我唔夠獨立咩??我可以自己照顧自己~我只需阿媽陪我~唔通冇左老豆~要嘗試冇埋阿媽既感覺??我會好辛苦嫁~屋企有好多野要我理~家姐又幫唔到阿媽~全家咩都旨意我~無論學業、感情~大家都好緊張我~好大壓力啊~我覺得好"支力"啊~我想做飛機師~有咩問題~點解大家都覺得我做唔到~唔通讀書差~真係咁大影響~係一間差既學校又點~我記得我入呢間學校既時候~阿媽講過『係咩學校都唔緊要~只要努力~幾差既學校都可以出10A狀元~』我知我自己讀書唔好~但我有俾心機~我覺得對得住自己~每個人都會覺得我好堅強~但鐡人都有"支力"既時候~更何況我~我呢排真係好唔開心~我想咩都放棄~邊個可以幫我啊??
|
| 刊登時間︰2006-03-18 12:33 AM [ 編輯日誌 ] [ 分享至FACEBOOK ] |
|
|
莉 於 2006-03-18 01:23 PM 發表：
|
|
|
珊 於 2006-03-18 08:58 AM 發表：
|
|
