今朝7點家姐就打黎搵媽媽~之後訓多左三個字就起身~今日約左潘潘俾野佢~之後同左阿B、Christine佢地搭地鐡~之後就同思冰返學~今日又係因為會考~所以唔使集會~之後橙橙想去廁所~點知蕃薯唔俾~之後我幫佢問蕃薯~蕃薯俾佢去~佢又唔去~之後reading堂~雖然好悶~但都冇訓~之後馬sir出左去~Miss Ho上哂兩堂~做工作紙~鏗sir終於俾人捉食野喇~之後戲劇堂~上唔知咩工作紡~超開心~個sir超好玩~落堂先知原來係見工~不過個阿sir真係幾好~lunch冇咩野做~同浚浚傾左陣計~中文堂冇訓~ok無聊~之後班主任堂上禮堂~創藝時段~lawrence跳舞~超攪笑~

放學調位~調左我去最後~俾鄭恩豪阻住哂~或者聽日有得調位~之後同浚浚又傾左陣計~之後就同豬頭、ella佢地走~

之後帶咪仔睇醫生~翠翠陪我去~去到既時候~醫生話咪仔可能有肝病同貧血~我腳軟~我唔知可以做咩~之後醫生話要同佢驗血~我出左出面等~冇啦啦醫生同佢講咪仔暈左~急救緊~我好驚~之後醫生叫我入去~咪仔已經去左天父度喇~我想忍住唔喊嫁~但我做唔到~我真係好唔開心~之後打俾媽媽~搵佢唔到~之後醫生叫我問媽媽而家我地想點~我都唔知可以點~我不停喊~我可以做d咩~我唔知~醫生話只係收診金~返屋企同媽媽商量下想將咪仔點處理~之後就同翠翠走左~

之後去到中途~翠翠搵到媽媽~我地返轉頭~俾醫生聽~醫生同媽媽講~護士俾左張紙我~可以集體火化或者獨立火化~叫我同媽媽商量下~之後我地就走~翠翠陪我食飯~佢知我唔開心~佢有氹我開心~佢借左佢條毛巾俾我抺眼淚~一路食飯我都有喊~之後送左佢返屋企~一路返屋企既時候~我都忍唔住喊~我唔想返去啊~我怕觸景傷情~我一踏入門口~我就喊~我好掛住咪咪~以前我每一次入門口既時候~佢都會行埋我身邊~今日突然好冷清~我好掛住佢~之後我執乾淨間屋~媽媽話唔好俾咪仔返黎見到我地間屋咁污糟~之後我好乖~我執好哂d衫~執好間房~lawrence知我唔開心~氹我笑~但我真係冇心情啊~之後就睇電視~一路睇電視一路諗起咪仔~平時冇人係屋企既時候~係佢陪我~就算佢唔係我隔離~我都會得閒望下我~

媽媽返黎~我地兩個都一齊喊~我好內疚~好自責~點解我當初唔好好照顧佢~係我照顧佢日常飲食~但我都留意唔到佢漸漸咁瘦~係我帶佢睇醫生~係我將佢送番去天父身邊~我好唔開心~我好掛住咪仔~媽媽話叫我唔使喊~佢聽到天父同佢講咪仔而家係佢身邊~好開心~同緊其他貓貓一齊玩~咪仔脫離左病魔~唔使咁辛苦~叫佢留心上堂~之後同媽媽祈禱~希望咪仔可以早日安息~

之後就沖涼~沖涼既時候我同自己講~咪仔唔鍾意見到一個眼腫腫既姨姨~所以我控制自己唔好喊~之後就吹頭~用左陣電腦~之後刷牙~

其實我真係好掛住咪仔~雖然話佢既病唔係一朝一夕可以養成~但我亦有責任~見佢死既樣~我好心痛~看見咪仔咁既樣~我每望一眼我就喊得越大聲~我覺得好似係我累死佢~親手送佢去死咁~搭地鐡既時候~佢好似同我講bye bye咁~我好傷心啊~係屋企~任何一個位置都有我同咪仔既點點滴滴~我真係好掛住佢~每當我諗起佢~我就想喊~but 我知道我要比我屋企人堅強~如果唔係佢地就會撐唔住嫁喇~我亦有樣野值得我開心~因為咪仔選擇左我陪佢行最後一段路~多謝你~

lawrence：thx~多謝你氹我開心~

阿翠：多謝你~係我需要人陪既時候陪住我~呢件事真係令我好唔開心~but 我好多謝你~無論係你陪我去同咪仔睇醫生&陪我食飯~你放棄你溫書既時間~陪我去同咪仔睇醫生~雖然結果係咁~但我都好多謝你~你條毛巾都俾我好大支持~起碼有一個陪我渡過我最傷心既人~你要俾心機啊~如果因為陪我導致你唔合格~我會好唔開心嫁~

咪仔：無論你聽唔聽到~我都想同你講聲"對唔住"~係因為我疏忽既照顧~令到你離去~希望你係天父度亦感到開心~你唔使再受病魔折磨~你真係好乖~我地全家都會好掛住你嫁~希望可以係夢裡見到你~ Miss you forever........