今日開始放聖誕假~今朝十一點幾起身~本來諗住訓多陣~但媽媽打俾我~問我買唔買零食同埋食唔食午餐~我就應承左佢~落左街陪佢~我地去左祥華掃貨~買左八十幾蚊零食~好開心啊!! ^0^ 買完野食~我地去左食臘味炒飯~之後買埋洗碘水就返屋企lu~

返到屋企~見地下好污糟~就去左拖地~點知家姐尋晚拖咪仔d尿既時候~冇過清楚個地拖~之後我又唔知~攪到成屋勁臭~拖左五次地~用左三次漂白水~兩次拖地消毒劑先冇事~之後執左成間屋~大至鋼琴~小至櫥櫃~全部都執過~超乾淨~ >3<

整完都五點幾喇~我打俾翠翠~佢唱緊K~我諗住訓一陣~但又訓唔著~之後就攪下部電腦~睇上電視~之後食左小小野~就已經八點幾喇~之後我再打俾翠翠~佢岩岩開完會~去食野~我地今晚睇戲戲~九點半開場~我見差唔多九點二~我就換衫出門口~我買左小小野食~入戲院食~我地睇<<Harry Potter>>~我覺得好好睇啊~本來同埋鄭盈盈食宵夜~不過可能佢太"支力"~訓左~不過唔緊要喇~之後我同左翠翠去左買雜炒公仔麵同埋香芋珍珠~買野既時候~見雅莉個家姐同阿哥~真樣衰...之後翠翠買左碗喳咋俾佢媽媽~攪到我都有d掛住媽媽~ >.< 佢返左雅豬樂~下星期一先返~之後我送翠翠返屋企~我先自己再返屋企~返到屋企都一點幾~之後沖左個涼~

兩點幾家姐先返~佢買左聖誕禮物俾我~係隻男仔既Monchhichi~好得意嫁~之後仲有樣....係W800i既Sony Ericsson原廠擴音器~ >0<" 好寸嘴啊~佢買左兩部W900i~一部佢~一部葉詩慧~激死我喇~  Christine返左黎喇~有手信喔~嘩哈哈....

阿翠：d糖水同炒烏冬好唔好食啊!?冷左我唔咁擔保一定好食~應該都ok掛~你原諒鄭盈盈喇~佢都唔想~可能佢真係太"支力"呢~有我陪你~好唔好先!?你唔係咁小器既~