今日九點幾起左一次身~九點幾既時候又訓唔番~所以我就開左陣冷氣訓~十點九阿翠打俾我~我就起身~去左沖涼~之後我不停搵莉~但都搵佢唔到~所以我就唔等佢~阿橙之後又話去~所以就同佢一齊去~我地搭地鐡去東涌~去到南昌join埋陳翹樂一齊去~去到東涌~莉先打俾我話佢尋晚冇返屋企~所以先打唔到我~唉...之後我同阿橙都想食麥記~所以去左買兩個餐~本來諗住上車食~點知去到個站~條人龍長到S型~之後我地一路排隊一路食個餐~食完先岩岩到U turn位~之後有人唔上企位~所以我地先有機會上先~

去到又要排隊登記~我地係排隊既時候見到Christine~但因為我地三個都未夠十八歲~所以要大人陪~我就打俾阿翠~佢叔叔出黎幫我地登記~之後我地就入左去lu~

入到去行左個圈~阿翠話有飛行表演~所以我地就去左睇~睇完~阿翠要返入去~我地三個就周圍睇野~之後我地同陳翹樂兵分兩路~佢有佢睇~我地有我地睇~陳橙要搵佢個fd~我陪佢去~之後我地周圍影相~見到好多人~我地同左Greg Sir同Elaine Ma'am影相~仲有阿詩~之後我地去左搵麵包超超~陳橙一見到佢~就傻左衝左埋去~點知人地做緊野~我想捉都捉唔住~d阿Miss望住哂~好樣衰啊~

之後阿翠打俾我~話佢叔叔要走喇~我地都要走~但因為我地想留多陣~所以就有一個阿Miss帶住~佢話佢今日帶左三次都係Air Cadet~一次係304~一次係309~佢帶住我地~我地不停問佢好多野~之後我地又去食野~臨走仲同佢影相~

之後我去左九龍灣同阿婆同阿媽去打邊爐~返到坑口~去左吉之島~撞到陳橙~之後落電梯~又撞到阿翠~返到屋企~睇埋今日d Video~就沖涼去訓~今日都好"支力"啊!!