今日搭一先起身~返到學校又要微笑~第一堂reading堂~好悶啊~悶到訓著喇~俾Miss寫左課室日誌~唉...今日冇咩特別~過得好快~

放學既時候~係教員室見到阿彤~就叫佢一齊出去~之後又見到蔡嘉穎~本來佢話唔去學琴~返屋企拎番對Boots~但佢冇帶鎖匙~所以就冇拎~同左我地一齊出去~我地換衫~去左街市買野食~買左抄麵、粉果、小丸子~仲有煎鑲三寶~我地太多野拎~所以出到宋皇台個公園先食~食完~阿橙同蔡嘉穎去左買水~我地係度傾計~佢地返黎之後~見未夠時間~我地就玩捉迷藏~好好玩~玩左陣~阿翠就到左lu~

我地入去HQ換鞋~之後就開始操~208既人都有黎~阿朗早走~因為佢住長洲~操多陣~八點208既人都走lu~佢地住奧運~所以佢地走先~我地就繼續操~我地企左係度睇C SQN操~之後我地抖既時候~阿翠問自己覺得自己有咩做得好或者OK~但我一樣都冇舉~我覺得自己唔係冇心操~但操得唔夠好~一路操一放休息~我都有去洗個面~清醒下自己~但都好似瞁咩用~阿翠講完~反省下~都俾番左小小信心俾自己~操得好左~

之後我地去左食野~食野既時候~唔知係掛住睇電視定係其他原因呢!?好靜~食完野搭105小巴~係小巴既時候阿翠要我溫生字字~落車之後~同阿翠行返坑口既時候~平時都有野講下~今日好似變得好寂靜~咩都唔係好夾咁~或者我地真係操得好唔好~