考試就黎到啦~ 係度慢慢咁逼近緊....

但係仲要做勁多既功課~

搞到日日都好忙好忙,同埋好夜好夜訓。

星期六勁忙...10點幾就去左睇戲~

睇魔幻聖誕頌,本身話睇12點場....

但係冇啦啦又話睇2點場,要等成兩個鐘。

一開始同佢地去打陣機,點知佢地比人發現唔夠歲數....

佢地比人趕左出去,我同黑柴個d都唯有走埋啦~

食埋野再行下街hea下時間,發現原來acupuncture d 鞋又靚又底買,

最便宜個對$129咋,仲要靚架wo!!800幾個d就真係超靚。

之前acupuncture d 野都係人地送所以一直都唔知原來咁正。

夠鐘入戲院了,,,一開始真係好悶,,,,不過好真,

3d 睇到隻眼勁累...

係去到最後個陣有d好睇,不過如果睇中文既話應該會好好笑,,,

因為d字幕d字勁正,英文好難表達到...

好似[你痴總製呀],[條鹽魚乜水黎架]呢d。

所以決定下次睇卡通片都係睇中文版好d..

之後就要即刻塔車去土瓜灣既[抗誘達人啟動禮],

我遲左少少先到,但係許欣欣佢地就遲左成個幾鐘....

威威個d再次唔黎...之後20幾個學生同d義工同埋個議員分享禁毒既野,

之後茶點時間同個議員傾左幾句同埋分享下我本身既意見,感覺好唔錯。

之埋塔車返西貢,5號車...

點知原來同是5跑車,但係個總站卻不同....

搞到我要塔返車去鑽石山再轉車...

個日忙到連去接表哥[就黎係阿哥架啦,哈哈~]機既時間都冇,

之後塔車返到屋企個陣見到佢屋企燒緊野食,佢都返左黎lu~

即刻就係佢屋企訓左晚,不過佢都要陪下佢個gf傾msn同電話....

佢地既合照-_-