圖片
網誌日期：2008-05-08 01:21
好抱歉, 好一段時間無update blog~~每日總係覺得時間唔夠用。。。每晚返到屋企照料好小兔子已經好夜了~~~而家又盡量早瞓, 所以時間好似點都唔夠。。。上個禮拜拍完新歌<大家好過>既MV, 由出名快靚正既導演細榮拍架, 同佢合作真係好愉快, 仲早左好多收工添~~~
今日第一次去School Tour, 本來心情都好緊張架~~但出場時同學們都非常熱情, 我唱到一半佢哋仲我落台握手, 落到台不斷同佢地影相同簽名, 搞到唱唔到歌添!!!真係好多謝佢哋, 令我無咁驚~~嘻嘻嘻 過兩日我又要到另一間學校度唱歌, 希望到時反應一樣咁好啦!!
仲有呀, 呢個星期仲幫Epson拍左新一輯既廣告, 不過啲相暫時唔出得街住, 大家密切留意喇!!!
大家期吾期待呢xDD>v<
留cM:]
|
