好耐冇打過日記...咁多日都係係屋企,咁ge天氣令到我唔想出街

但係今日都係要出...要出去買飛,星期一睇harry potter^^~

終於都有得睇...佢未出之前已經極想睇...但係又要就mama放假呀果d

搞到而家先睇...mama要我出去買定飛,驚果日買ge話會冇位...

我煩到兒兒同我一齊出去~呵呵~~點半到出門口,開門ge時候想返返入屋...

by KCR果陣勁多人...嘔泡!!好唔鍾意咁多人=.=...買飛排隊又排到嘔泡...

又曬又多人...想死!!=.=...見到如果買即日ge話得返頭一行......

買星期一都唔係有好多位咋...好彩都買到^^~買完去左m記...

同兒兒食雪糕...好大陣美祿粉味...=.=...食完,hea左陣...就行左去無印...

兒兒就買筆...我就唔駛買,係都遲d先買la有機會ge話...買埋野食

係沙田行多陣就by KCR返屋企...一樣係咁多人...好唔鍾意............

真係覺得屋企好似係天堂咁...真係正!!

grad din呢個日子終於都到左喇!!!好開心又再可以見到我親愛的同學們

真係好懷念以前返學ge日子,雖然唔鍾意上堂聽書,但係好鍾意玩...

日日都玩到din晒咁...真係好懷念^^~你知我最鍾意就係發din ga la~

wakaka~今朝11點幾起身...睇電視...之後on左一陣line...

dl返隻today聽下先...唔係好記得d歌詞=0=唔知到時點算......

4點9到開始整野...5點零就出門口,by bus去太和,係KCR station join gigi

我自己都睇唔慣自己個樣...戴返普通con,係差少少ga la...

唔知點解我對眼成日都好"水"...搞到睇野都睇唔清楚=0=......

係火車就黎到ge時候呀霜打左好多次俾我...叫我快d到wor...

因為佢唔想同人地坐同一架taxi=.=...叫我地快d到,佢唔駛對住人地

我地4個by taxi過去hotel...我,gigi,霜去左toilet先...我塊面俾左呀霜同gigi

化左出黎...so gd!!遠睇勁唔覺有化妝...是但la,都係整d粉上去算la...

最唔鍾意化埋d咁濃ge妝...好似老左好多咁=.=...今日又見唔到有人化到好濃bo...

上到去見到曹,蚊蚊同hebe做招待...拎埋同學錄就入去,一入到去就見到魷長好白馬王子

law冰好好人,坐過隔離枱,等我地3個一齊坐...之後出左去影左陣相就入返去lu~~

一開始校長講野...例牌冇聽...之後佢話又到左我地最開心ge環節...出去拎野食=.=

老師拎完到我地......好多謝周sir分左舊sushi俾我地...=.=點解d飯咁硬ge?!?!

出去拎過兩次野就覺得冇乜胃口=0=...睇人地班d片...好多都係就咁播相ge...

睇到我悶=.=...唔記得左邊班表演ge時候竟然侮辱左我好like ge一首歌

"when you're gone"......好差!!!去唔到個音唔好夾硬黎呀小姐~~

影下相呀...hea下...終於等到我地班ge片喇!!!真係笑到我死.......豬心之謎...

fing出黎之後我同hebe即刻彈開...仲要soon埋去果d血+水...haha...

諗返拍果日係咁換衫...換黎換去,好似做show咁,kaka~拍果時又笑到傻..

謎女郎ben!!!勁搞gag...haha~廣告煎pan打波果陣全場哄動!!幾型!!haha

之後播新聞...話魷長俾車車死左=.=...又係笑到傻......人頭消失之謎...

真係多謝hoho,令到我地有一幅完整ge班相...只因係加返佢地ge頭落去...

精彩片段...跳舞...煎pan跳果度真係好好笑...我係新聞女郎+同學=0=

之後仲有好好笑ge製作花絮...幫呀ben紮謎女郎頭...我俾hebe好好ge眼界掟中...

呢度我又笑死左!!haha~魷長係跳舞ready果陣un身un世...真係想打佢...

係佢隔離ge hoho俾佢傳染左=.=...真係勁好笑lor...勁搞gag!!so good!!

我實在好鍾意條片......睇完條片就你時候ready陣間唱歌...我同魷長要諗講乜...

求其諗左幾句...歌詞都記唔掂就膽粗粗走上台..."多謝周sir ge一句"明日復明日"

令我地知道今日ge事係要今日做,action now""多謝law太話"put yourself into

other people's shoes"令我地知做乜野都要為人設想"...多謝你地!!!

唱歌果時...英文果part唔識入=.=因為冇練過,我今日都係聽左幾次...

就係驚唔識入,點知中左...都要唱埋佢......唉...冇練過係咁上下...

之後係老師分享...我地走左出去,就算係返返入黎都冇聽到...=.=...

抽獎...我地班勁多人中獎lor...仲要差唔多坐晒另一枱...好犀利!!!

部NDS都係落左係人地手...我聽到珠珠第一時間打俾人話抽唔到NDS=0=

之後就完lu~要還返個場俾人...終於都見到kit俾野佢...但係佢又冇帶野俾我lor!!!

好可惡,好差!!雖然係完...但係我地邊有咁快走ga?!係出面狂同人影相....

wakaka...影左好多好多相呀...仲多過last day同畢業禮...gigi叫我搵我個fd影相

係搵緊ge時候......呀霜:係邊呀?!搵姓鄭定姓李果個呀?我:係姓邱果個lor...

我+gigi:唉...=.=...呀霜聽日返早...我同gigi繼續係度影相...影影下發覺大部份人走晒

我同gigi好遲先走...12點到先走...同秀秀+欣欣by taxi去KCR station...

by KCR返大埔,係車度睇返d相......之後by taxi返屋企~返到去差唔多1點=.=

P.S.我有grad din ge相會擺返係相簿,等下la...last day同畢業禮d相都未齊lor=.=

今日訓到11點4,5到先起身...真係要多謝mama冇叫醒我...

mama今日訓假...兒兒返埋今日就放暑假,係呢個幾月就有人同我爭電腦=.=

好稀奇地今日兒兒好早返黎...12點就返屋企...好乖...

lunch mama煮左烏冬...但係我係冇乜胃口...so食一碗野食左好耐...

大熱天時食熱野就仲熱=0=...下午兒兒好無聊...

玩跑果陣係度逐個逐個襯衫影相=.=...我睇都睇到悶......

4點零出門口...約左呀曹一齊配con...諗住係88驗完眼先去高明配...

高明果度好似話唔包驗眼=.=...呀曹好勁...冇加深過...我加深左小小...

佢冇list幾多度...只你講比我地聽...點記?!?!之後上高明...

因為我而家呢副都係高明配...我俾張record card佢搵返幾多度...

之後驗埋孤度...有個女仔教我戴...呀曹之前戴過唔駛教=0=...

佢話我指甲長...要剪>.<...我d指甲留左好耐架喇,好似...仲諗住油令你架tim

>.<...我唔知搞左幾耐先戴到...其間係咁流眼水...我又鬼死咁驚...

係咁眨眼...以前滴眼藥水都驚到死...滴幾廿次先滴到...而家仲要對隻手指埋去...

狂眨眼...原來呀曹講得好岩...除係易好多=0=...戴完,除埋到左眼=.=

之後又要我戴返加眼去check...唔知做乜...佢地話隻con跌左落去...孤度唔岩

要再戴多隻係左眼=0=...到到我搞掂晒所有野都搞左9個字......

配左兩對...呀曹都配左一對,不過佢快我好多=0=...就咁講度數佢聽就搞掂...

個男人話普通con咁岩冇佢度數...俾左隻moist佢...照收普通價@0@...

之後陪呀曹過左翠屏...佢等佢mama...我係e個時候feel到電話好似震...

聽完之後發覺仲有兩個未接來電...=.=...成日聽唔到電話響......

呀曹走先...我就去影印...聽日要俾kit ge野...返到屋企洗完白白岩岩好食dinner~~

P.S.我好八卦,我真係想知who IP=64.1.215.164,多謝晒,今日又入左黎4次=.=

6/7           fri

今日好似都係11點幾起身...成日都係自己一個係屋企...兒兒要返學

吸緊地ge時候呀霜打黎...我聽唔到手提響...係咁岩佢打黎屋企我就入到房

咁先聽到...玩電腦......好耐未試過自己一個罷住部電腦咁耐^^~

一係就兒兒係屋企...一係就我出左街......呀霜打完黎冇耐呀曹打黎...

傾左陣......6點幾食野果陣睇到新聞...個細路女好慘=0=...

7點半就出門口...by KCR出MK......係旺中等呀霜......

同佢睇grad din裙...頭頭係一間睇到幾好ge...但係樓下賣同一條平好多=0=

睇左好耐...係一間見到一條幾令...呀霜選左果條...個colour好special...

我睇到第二條......唔知點解覺得好可能同人撞lor=.=......

今日睇中左...但係聽日先出黎買^^~我地睇到成10點半...唔覺唔覺...

by KCR返tai po...返到屋企樓下見到一隻好大隻ge狗...

但係冇主人係度...唔知點解會係度出現=.=...返到屋企都11點半~洗白白~訓覺~

7/7                sat

今日較左鬧鐘10點半起身...尋日同呀霜講左11點幾出去...

如果唔較鬧鐘我驚會好似平時咁11點幾先起身=0=...較定好d~

11點半到出門口...同呀霜行過大中...呀霜要去銀行拎$$...

排隊排左半個鐘lor唔該...拎完$$就陪呀霜去配con...本身諗住問下先...

點知一入到去就叫呀霜驗眼...咁就配左喇......唉...我都唔知配唔配好...

但係冇理由為左一晚ge grad din去配一盒ga...我仲要兩隻眼唔同度數

要配兩盒...果度500幾蚊lor唔該...=.=...唉...一係就配兩對...但係要成100蚊...

500幾蚊ge話有30對=.=...平好多...但係我又何來500幾蚊黎配con?!

唉..........同呀霜配完con就去左8號花園諗住by bus去火車站...

岩岩走左架bus...係屈人寺hea左陣...但係竟然...竟然................

我地最後放棄左by bus...行過去tai wo火車站by KCR好過...

點解...點解要俾我見到一個咁ge頭?!oh!sor~係一個7頭.......

點解要俾我地見到?!help!!!T_T呀霜好激動.........點解?!?!點解??!!

by KCR果陣...見到個bb好得意...佢肥嘟嘟...成日皺眉頭...

仲要係成日望住我皺眉頭...haha...呀霜話佢只係對住我皺眉頭=0=

個BB真係好得意...基本上我見到好多BB都話好得意...我mama成日咁話我...

咁d bb係得意呀ma!!~^^~個bb係大圍站就走左......我同霜係MK落

都係去返旺中...holy...勁多人lor......去返果間野度睇...都係買返尋日睇到

果條裙+外套...平左都要$180...=0=...冇平ge話要$220 lor唔該...

咁就唔見左200蚊喇......之後要買鞋...呀霜買左鞋喇,我未買.......

又係係3樓一路睇落黎...睇左好多間都冇我要隻色同款...我想要一對

簡單ge鞋...咁難ge點解?!...行晒咁多層...同人逼左咁多層...

都係要上返去3樓買...又唔見幾廿蚊喇......>.<...搵一對鞋都搵左好耐

旺中又勁多人...行親步步都係同人逼lor唔該......我地好辛苦先行到一層...

我唔明點解d人係都要企係路中心睇野,拼衫,簡衫ga lor...咩事呀?!

你知唔知你阻住我呀?!!真係好唔鍾意咁逼...好唔鍾意咁多人逼埋一齊...

好唔鍾意d人撞黎撞去...好煩lor唔該......好辛苦先上返3樓買鞋...

買完鞋又要同人逼過...睇earrings...由3樓睇到落地下,再係地下上返3樓...

點解係呢度搵一樣野要咁辛苦ga?!逼死人...我諗住簡單d...戴circle果d算...

我地好辛苦先買得晒d野,之後去左朗豪坊,呀霜幫我拎左個紙袋,thank you very much!!

之後去左m記hea...行左咁耐...行到好攰呀!!!hea到5點3,4...

呀霜講左一樣好核突ge野我聽......help!!之後by 72x返tai po...

上車我同霜都訓覺...但係我個電話就響過不停...兒兒打完黎到daddy...

daddy打完黎就到mama...之後又到daddy......=.=...我想訓覺呀唔該...

勁塞車...返到黎大埔中心都6點半=.=...返到黎fu heng...我同family食大家樂

呀霜返屋企先,我黎到兒兒都差唔多食晒=.=...好彩dad幫我嗌定,一去到就有得食

^^~choco噴泉...ok la...d水果冰到覺得冇味...係我最愛ge士多啤梨酸酸地...

食到好飽飽...但係剩返好多野=.=...之後去pk shop買野...haha...

我地狂買野飲...因為有dad係度拎野...^^~返屋企~洗白白~

P.S...我想知邊個IP係64.1.215.164,其實係想多謝下你...一日入黎3次=.=...

呢幾日都係忙緊條片d野...躝左幾日街...前日返黎果時勁大雨...

返到屋企濕晒lor...尋日俾doremi老點左...尋日11點零開電視

做緊doremi...之後咁左去第二度...我以為佢仲係做緊doremi

冇咁返去第一台...咁就睇唔到黃飛鴻lor...又miss左集!!

今朝睇返TVB先記起...原來尋日係有得睇......今日一睇完就要出門口...

返sch...本身打俾hebe同魷長問佢地係邊...佢地冇聽電話...

貢左上6樓...見到入面有人...但係又唔係hebe佢地...望返落操場

hebe佢地係下面=0=...要落返去......之後冇耐我同law冰上黎先...開定冷氣

好辛苦咁爬左上6樓...好耐冇行過6層...好鬼攰...點知鎖左門=.=

打完俾呀ben校工就出現...做咩唔早d出黎?!...好鬼攰....

拍完都5點9,10...幫dad買埋早餐返屋企...唉,爸爸又唔記得買早餐lor!!好差~

而家有好多野想做...想踩冰...mega box個場好大...勁耐冇踩過...好想踩冰~

想唱K...唔知點解...心血來潮想去唱K...上次唱K,已經係4月頭ge事了...

但願8月表哥生日果時係會去唱K~想睇Harry Potter...其實都唔係好記得本書ge內容...

但係好想睇...之前果4集都睇過...好想睇埋呢集,希望mama會俾我煩到,肯陪我去睇~

想發下din...可能耐冇返學...好想好似以前返學咁...日日都係度玩...玩到din!!!

最想的...係想見下你,聽下你把聲...................................................................