（今次係我第３次打呢篇日記，我之前打左２次，未ｓａｖｅ就ｈａｎｄ機啦，
好嬲呀．我打左超過５５行囉，係滿哂字架，你地可想然知我有幾咁炆囉，
而家已經好想喊啦．．我無心情打啦，所以盡量縮減．．．唉！！！！）
我要返屋企陪爸爸食飯，因為好似無咩理由生日都唔同屋企人過咁，於是我就返屋企ｌｕ．．．．
食飯前我好大聲咁祈禱，爸爸就望住我同埋聽我祈，祈左好耐祈左好多野，呢次係我第一次敢咁大聲祈禱架，
好開心囉．．．．爸爸都係係到笑架，，ｈａｈａ，食完就決定左去麗城搵阿毛同老施啦，
點知我去到老施先話仲食緊飯且要去拜神，咁阿毛就黎ｏｋ搵我，之後上左佢屋企，
呢次係我第一次上阿毛屋企架，好令令呀，係地毯式架，我無一個朋友屋企係鋪地毯架，
好舒服呢∼∼之後呢，就入左房了，同佢細佬玩啦，真係好得意囉，肥嘟嘟，爆可愛的！！
同毛影相啦，傾計啦，整野啦，寫野啦，玩啦，老施打黎就上左佢屋企啦！
上到佢屋企之後老施又話要落街，咁我同毛就玩佢部電腦，老施細佬返左黎就同佢傾計啦，
佢同我講左生日快樂呀，好開心，本來我係第一次打呢篇日記個陣係ｌｉｓｔ左我地的對話架，
但我而家唔打啦，長＆無心機打．．．．老施掛住傾電話原全係理過我囉，根本就整係得佢細佬同埋阿毛理我，
我同毛就同細佬傾計啦，之後睇佢細佬玩ｇａｍｅ囉，其實已經有ｄ嬲啦，今日明明係我生日，
點解老施整係掛住講電話都唔理我架，唉∼黑口黑面呀，１０點半多我問老施走未，佢先ｃｕｔ線囉．．．．
我叫埋細佬同我地一齊出街呀，因為如果唔係，佢自己一個係屋企好慘架，ｓｏ我唔理老施ｌｕ．．．
我地去搭小巴，同毛坐＆傾計，係ｍｔｒ落車，諗住去新之城影貼紙相，點知ｃｌｏｓｅ左，
於是去ｃｉｔｙ啦，係南風兜黎兜去先出到去ｍｔｒ，期間我＆毛的媽媽都打黎罵我地囉，唉！！
係ｃｉｔｙ間相鋪到影左２張相，好令令架，我好鐘意呀，阿毛影得幾令呀，唔錯啵∼∼
本來諗住去打機架，但阿毛唔得啦，佢已經比屋企人罵得好犀利啦，咁我地就送佢去搭車啦，
點知無小巴啵，咁去左ＩＣＡＣ到搭巴士啦，又唔夠散錢啵，ＳＯ等左好耐，最後阿毛喊啦，
我好心痛呀，最衰都係我啦，搞成咁，對唔住呀毛，我好內疚呀！！
老施＆細佬就陪阿毛返屋企啦，我地唔去打機啦，而等佢地走左之後我就自己行左一陣先返屋企∼∼
差唔多凌晨１點先返到去，返到去孔偉佳打比我同我講生日快樂，但已經係９月１１號啦，同佢傾左陣就打比老施問佢Ｄ情況啦，
之後又同佢細佬傾左陣，原來佢細佬ＧＥ好多個第一次都比左我囉，呵呵，好開心添！！！
我發覺佢地兩個真係幾搞笑囉，傾左粒幾鐘就收線啦．．．ＨＡＰＰＹ呢∼∼
今年的生日好難忘呀，好多謝所有同我講過生日快樂的人呀，由於太多人啦，我唔ＬＩＳＴ ＮＡＭＥ啦，
我驚自己漏左你地Ｄ名呀，總之ＶＥＲＹ感謝你地啦，愛死你地囉！！
ＥＳＰＥＣＩＡＬＬＹ阿欣，ＭＡＳＴＥＲ，阿敏陪我過左成個朝早同下晏，
同你地一齊係我最開心的時光，你地真係帶比我好多歡樂囉，
又肯陪我一齊玩ＷＯ，ＴＨＸ呢∼
ＥＳＰＥＣＩＡＬＬＹ肥聲＆教會Ｄ ＦＤ比左一個咁大的驚喜呀，
我無諗過今日會咁精彩架，我真係難以忘記呀，好愛你地呀，知你地好錫我呀！！！
ＥＳＰＥＣＩＡＬＬＹ阿毛，老施，細佬陪我過左成個夜晚至凌晨，
同你地嘻嘻哈哈又過左幾粒鐘啦，ＨＡＰＰＹ呀，影相個時最開心，好多謝毛比人罵都肯陪我＞３＜
上年的生日係男朋友＋小學同學陪我過，
今年１６歲生日係中學同學＆教會Ｄ ＦＤ陪我過，
唔知明年我的生日會係邊Ｄ人陪我過呢？？
| 
刊登時間︰2005-09-12 11:22 PM [ 
