今朝見屋企冇野食，所以就約左曾美珍係m記等喇...之後行行下，曾美珍話喉嚨痛，就去左買喉糖喇....

之後就返學校.....返到去就上得去，本來重以為有得開冷氣添，點知上到去，個冷氣依然係冇開到....

勁熱....返到去就睇到某人係個櫃桶底到睇漫畫喎......真係衰，自己哩埋睇，又唔同人分享下喎....kaka....勁好笑^^

之後笑左陣，就陪左kama去次所，之後係差唔多打鐘既時候就返到去喇....閱讀堂，熱到冇心機睇書，

勁係到嘈....搞到比人打左好多下...好痛呀...屎忽....之後地理，派返份卷做改正，VA，勁慘呀!!!

上上下堂係咁比人整d頭髮...問人野又比人話喎...最衰都係你，又唔講我知係咩喎，搞到我要去問人~~

之後小息，上去放左d野就去左圖書館借書，之後就返上去，又係勁熱，英增....唔想出去講，所以就冇出到去，

不過下次好似話一定要出，如果唔係就冇分喎...普通話，有得改分，多左2分呀，好開心呀，不過平均分重係低過曾美珍呀...

lunch...冇咩野，同yan上去放返d野，就落左圖書館涼冷氣，重有埋三分球神射手4添....差唔多搭5就上返去，

聽左miss fan講，慢慢行上去，但重係好熱o....中文堂，好專心，某人又反白眼lu.....之後暇尾果兩堂係英文，

勁開心，因為個冷氣開到啦....真係好....放學....比miss li 叫左去傾專題果d野，傾到4點5到就走得喇....企左成粒點啦差唔多...

唔知幾點就去家政行...買布，買買下冇啦啦落雨，不過好彩走果陣，唔係好大雨姐....之後返到屋企，就on msn喇....打日記...

之後7點唔知幾多，佢打黎，知佢輸左....不過睇佢都冇咩野啦，心情都好似好愉快咁???

              唔舒服就休息多D啦.....仲有雖然唔知關唔關我事，但都SOR呀!!!

今日究竟係唔係佛誕呢???但係唔係都好，今日過得同平日冇咩分別.....

今日冇人嘈我，11點幾自己冇啦啦彈左起身，幾勁!!!之後去完次所，就用電腦....on msn，

on左冇耐佢就on左喇....之後同佢講左一陣野，就開始肚餓喇....所以就煮麵食....

5點幾，睇多啦A夢，如果唔係曾美珍話有得睇，我都唔記得左lu....之後就睇啦，

勁好睇呀真係....睇完多啦A夢，就睇埋果本未睇完既披著狼皮的羊咩咩，好快本書就睇完啦，

之後過左冇耐，出左去食飯，果間野，黑蚊蚊的，得個"立足"放左係枱，食完野真係好飽呀....

臨走我忍唔住吹熄左個"立足"，不過其實我已經忍左好耐架啦....之後吹完，就比呀媽同呀哥啤，

但係我勁笑喎....^^不過吹熄左又真係好臭既.....返到屋企，打比曾美珍，同佢傾左陣，

佢打黎，好彩有佢提我聽日VA帶咩咋，咁我就搵左我D電話卡出黎喇，真係好得意架D狗仔....

傾左唔知幾耐，呀爸打返來，就收左線喇.....之後睇書(奇幻旅館)，睇到1點幾，訓教......

今日好好呀，因為冇比人嘈醒，但都好早就起左身啦，11點幾就起左....睇左一陣披著狼皮的羊咩咩....

就用電腦，聽埋尋日未聽完既廣播劇<<女校男生>>.....好好聽呀!!!不過我覺得呀Sa好慘囉.....朱薰勁唔知點喎.....

聽完諗到一樣野....唔知佢會唔會好似朱薰咁對我呢???之後係個廣播劇到聽左好多次女校男生呢首歌，聽返都覺得幾好聽架喎~~

之後突然好鐘意BoA，搵左好多佢既圖...好靚女呀....而家勁得閒，所以就聽埋另一個廣播劇啦....

<<來不及聽你說愛我>>......但係未聽完第2集我就已經冇聽lu...因為呢個廣播劇都唔好聽既，咁悶......

之後5點幾，佢打黎，果陣冇冇聽到佢電話，因為果陣沖緊涼，沖完涼就睇返記錄，就打返比佢喇~

之後佢話返到屋企先打比我，所以就收左線喇.....之後唔知幾點，佢就打左黎....傾左陣，出去食麵...

食完就打比佢，傾到唔知幾點，佢去食飯，就收左線...之後我就係咁睇披著狼皮的羊咩咩，

睇左好多，睇左差唔多一大半啦，真係好好睇呀本書.....

                唉....真係勁屎忽呀，本來聽日就返學架嘛，聽日又放假....佛誕真係好黑人憎呀.....