末代會考生.....末代會考生

之前成日都聽到好多人咁叫我地

因為我地係最後一年考會考既學生

之後既就用新既制度---334

所以根本就唔知考評局會點玩嘢

所以都好擔心

以加會考就考完la.....

儀加就只係得返說話

唉.....我唔係好仲意說話呀

我寧願只係筆試呀...=3=

但係都冇得我揀呀

係呢段既時間入面

老母都冇逼我我溫書

最初個一、兩日都幾開心架

但係到左第三日之後

我就覺得唔係好習慣.....(真係唔知點解??)

係完全聽唔到老母話你仲唔溫書?你仲玩?等.....

總之吹我溫書既說話係完全冇....

之後我就開始溫書

係愈接近會考.....我就愈緊張

我每一晚都溫到好夜

由最初打算溫到12:00a.m.

之後就玩一個鐘既電腦

再後D.....我就係完全溫到兩點幾....

唔再開電腦住

第二日我就八點幾到起身

梳洗好...食過早餐就開始溫書

老豆同老母都冇逼過我

反而係我自己逼返自己.....

我係逼到唔比自己有時間休息既機會

我唔放過每一分一秒

我知道我既成績唔係好好.....而老母都已經預到我既結果

正因為咁所以我更加唔想放棄

加埋個補習老師又搵唔到佢....都唔知佢死左去邊

所以我只好靠學校既Miss、補課同埋D筆記

「末代會考生」呢個稱呼

唔多唔少都令我有少少壓力

雖然有D辛苦...但係我都唔想放棄

但係係自信心方面都唔係好有信心

到左第一日考......我約左淑一齊去

老母講左呢句話罵我:

你唔合格我早預左...但係你都唔好遲到先得架

我聽到後...唔知點解突然覺得個心好痛

好想喊.......但係我忍住

之後我都更加努力

就算佢地叫我休息....我都唔休息

咁我訓教既時候...我都會聽歌既

電話播到"棒棒堂既我們之間"

突然我個腦諗返我係學校日子既事

包括:老師、我D朋友(雪、裕、淑、倩、樂、綺)

同佢地相處既日子

雖然有時係會有開心有唔開心

但係呢D都係我美好既回憶

當然唔少得倩既會考溫馨小建議....><"

諗起呢D...我就喊左出黎.....

但係已經成了過去

我成日都覺得老豆老母都

唔明白我以加既心情

佢地叫我唔好比咁大既壓力自己

但係佢地係唔會知佢地其實都係我既壓力

佢地既每一句話都令我好沉重

我要證明我自己都可以搞點自己

計唔到既數....我都好努力咁計直至搵到答案

會計就上E-class 同Miss 講

之後佢打比我...我一有唔明既地方就打比Miss問過明白

我仲令到自己胃脹呀

好辛苦呀.....

而有D Miss Lau會叫要+油、努力呀

有D Miss Fung 話為何我們會有會考的機會，

就是因為天父覺得你強，才會給你這一個難得的挑戰機會

而Miss Tsang 就叫我唔好理個結果，

考完一科就算la....準備考下一科既心

係我身邊真係有好多既老師比既

鼓勵同支持.......><"真係好多謝佢地