今朝早

我就諗住整燉蛋既

因為琴日我整薑汁撞奶既時候

兩次都係失敗左

係唔知點解撞唔到

於是老豆就叫我問下阿爺點整

之後佢話我一定整唔到既

因為D奶唔係未加工過既奶

所以整起黎會變左薑汁 + 牛奶

佢就提意我整燉蛋.....

咁今朝早就整啦!!

先上網搵食譜....之後就開工

整第一次.....我覺得呢

就淡，而且仲未完全稠曬

咁我就整第二次啦

係冇幾內佢地返黎

呢次...我覺得甜味ok.....但係就水既

老母就叫我唔好再整

佢仲話多多食料都唔夠我整

我心諗 : 咁整嘢食總會有失敗架啦!!

唔係好多人整第一次就得架嘛...可能要第二、三次先得呢?!

總之，我係不停比佢話....點講呢

係比我覺得係間接話我冇用咁

我當時真係好唔開心.....

我返到入房....真係好唔開心

當初好期待個個又係你...但係話到我一文不值個個又係你

到底想點呀???

之後我就同樂sd 信息

同樂講完後....總算舒服少少

但係都唔係好開心...

我都已經唔比佢地試....免得又話我搞到佢地好飽

食唔到飯....

我就整一碗比自己試....諗住等成功先比你地食

點知......老母又話我

話我做咩只係整碗咁自私!!

我真係完全呆一呆....之後話我都唔知整成點?

咁我唔想浪費嘛!!咁先冇聲出....

真係唔知佢想點囉??

 整一碗就話我自私....整埋佢地試

就話我整得咁差....

我唔介意佢地比意見我

但係咁同間接話我冇用有咩分別呀??

平時好冇入過廚房整嘢比你地食

諗住想整下D甜品比你地食......點知

我受既只係冷言冷語呀....心諗洗唔洗咁講嘢??

雖然老豆出聲話我...但係佢就好似搵其他嘢黎話我

真係比我覺得係間接性話我!!!

因為我唔係好開心加上有少少嬲佢地....

父母係咁樣做架咩...??

所以我根本....

就冇佢地傾過任何嘢

今日整日老豆同老母都故意搵D嘢黎叫我

但係我都冇嘢佢地....

我只係想靜下啫......

到左夜晚，咁睇電視

老母故意坐過黎...之後佢講咩?

佢話我做咩咁小器?你唔可以咁小器架!!

我心諗我都冇做過咩

做咩話我小器呀??我真係完全呆左囉....

比唔到反應佢....哇!!真係想喊呀!!

所以我今晚就睇獎門人笑下

但係我唔會比你地睇死架!!我會成功

不過我都係等你地唔係到先整....免得又話我