琴晚既蒲松齡大結局

真係...好感人呀....搞到我眼濕濕.....

我最愛既鍾嘉欣好慘呀

竟然比高喆殺死....高喆真係過分呀!!

馬浚偉同鍾嘉欣分開左

最後仲介紹蒲松齡呢個人

原來真係有呢個人架??

今日

我好似平時咁起身...

之後係差唔多十二點到我就打比樂

點知佢岩岩起身

我話你岩岩訓醒呀?我吵醒左你??

點知樂話吵得好吵得好??!!

我呆一呆...之後同佢傾左一陣電話

果然,同樂傾電話係好舒服架

之後我話上去佢屋企到

我就整好曬D嘢後就出門口

我一上到佢屋企就借洗手間用

坐左一陣....就紮頭髮沖落去

我地就先去深水埗既西九到睇puzzle

因為樂話想買咩EVA 咩新世紀

呀...唔知呀!!比佢條仔

但係搵唔到佢想要個個喎

咁我地就諗住去食嘢

經我問過表姐同老豆後...

要食甜品既話就要落返去黃金商場個頭

咁我地就決定買埋珠仔先去食嘢

我地入左一間珠仔店到

我就揀岩用既珠仔

而佢地兩個就去左前面既珠仔店到睇嘢

睇完後，我地經返地鐵站去黃金商場

其一、我地唔色得點行去黃金商場個頭

其二、因為太熱la...加上我地三個又唔曬得喎

咁我地就去食糖水

樂叫左芒果西米露、我叫左蜜瓜西米露、而綺就叫左芝麻糊

我地三個仲叫多左個糖不甩食

之後...綺冇lala...食食下係到笑

我同樂係...望一望佢...我同樂再對望

頭上好多個問號

問你笑咩??

佢話佢咁大膽咁食好咩....

我話唔會

之後樂呢...係到整個個既糖不甩

我話等我幫你la....樂話唔洗

我話唔洗客氣喎

之後佢就放左落口la...冇得玩

我地食完後就走人

去左黃金商場到行左一陣到就落葵通廣場到行

但係先佢地話要去洗手間

咁就去左新都會廣場

咁我就係出面等佢地

行左一陣...見到林峯既poster

話簽唱會.....7.18...3:00

但係D入場証已經賣曬

佢係水晶館到開

但係據我所知...水晶館呢除非有入場証

如果唔係既話係入唔到去

連睇既機會都冇

之後話想買麵包

咁就等佢買埋先...我地兩個就係出面等佢

係等既時候

我同樂見到朱古力迷你泡芺

咁我同樂呢各要一個

到綺出到黎呢....

見到我地兩個係到食...呆一呆

而我地兩個就一露行露食

哇....好好味呀

佢入面係凍既朱古力漿

好食...綺話你地兩個真係呀...買都唔買埋我個份

我地對望左

食完後...我同樂去洗手

 一入到個洗手間..係黑架

好恐怖...我地拿拿聲洗完手出返去

出到去後...先記得...綺呀

會合左佢後...就上三樓睇puzzle

睇下有冇樂想要個個

我話要入去睇先知有冇!!!一經過門口....

我就叫住樂.....係咪呢個呀??

佢好開 心咁話係呀....

佢仲有埋框都係四百幾

都ok.....買完後

我地行多一陣

就返屋企...佢地兩個搭地鐵轉西鐵

我就搭巴士返去