今日有兩"嚇"呀!

真係好凍呀

搞到唔好想起身添

所以搞到遲左少少出門口呀=3=

我仲驚趕唔到添

不過......第一個嚇黎啦!!

我都係好似平時咁沿住個條小徑

行上去輕鐵站

咁我聽到有人係後尾跑上黎

我就有啲好奇

睇下係咩人係到跑步

我向左望一望....

見到一個帶眼鏡

約四十幾五十既男人

著住一身跑步look

正諗住轉返個頭既時候

個男人行過黎....我覺得好奇怪

心諗：點解你會無啦啦行過黎既?

之後佢問我

你趕唔趕時間呀?可唔可以幫我個忙呀?

咁我見仲未有車到....

咪諗住睇下佢有咩可以幫到佢囉?

之後佢叫我跟住佢行....

咁就跟去啦!!我以為佢可能有D嘢唔見左

想我幫佢手搵

但係佢一直帶我行..........

係沿途佢我嘢

係沿途佢不停問我嘢，又話你去邊呀?

我話返學囉!!佢話你唔洗著校服既?

我話因為我唔係中學呀個D!!

只係普通咁傾計...之後又話我好人個D....

咁行左一個輕鐵既車身位到

我問佢你要我幫你D咩?

佢又唔講...係咁講第二個話提

但係我見佢唔答我

我答完佢問既問題後

就再問多佢一次，到底要我幫D咩?

之後佢先答我，佢話唔知係咪我自己"輪俊'呢?

咁我問佢咩事?佢話我唔色得講!!

佢又叫我跟住佢行

我一直跟行住佢行...

但係足足行左兩架輕鐵既車身位...

我再問佢你到底有咩要我幫呀?

佢又冇答我..又問我你趕唔趕時間?

我話都趕架，有人緊我...

佢話如果遲到會點?我話唔可以遲到架

一定要趕到呢班車架.....

我覺得好似有D問題

我見佢好似想行過個輕鐵站!

咁我就開始放慢時己既速度...

我係咁問佢你到底有咩要我幫呀?

之後又問我趕唔趕時間?我話都趕呀!

我聽到佢話咩如果你趕既就唔知點...後面我聽唔到

我話唔好意思...我走先...之後我跑返上去輕鐵站

我一上到去...轉個頭

我就隱約見到佢已經行到係最前既隧道...

好似仲行左入去

心諗：真係嚇死我啦!!條友搞咩架?

之後上左輕，我打比阿靜

同佢講我頭遇到件好嚇既事

我一陣話你知!!佢話好

到西鐵...靜同佢條仔一齊

因為佢條仔今日day off.....加埋今日生日

所以靜同佢慶祝

後尾同呀靜講返呢件事.......

其實我原本只係想同阿靜講既

但係佢又係咁問咩事!!算啦...就儀加講啦

佢同佢條仔都呆一呆

之後傾多陣佢條仔係元朗落車

咁我同阿靜繼續傾呢件事

後尾，返到學校

今日冇得睇MA既分呀...=3=

之後我同阿靜係到玩Lee Man手機入面既game

三個人玩一隻game

之後再玩鋤大dee

個男仔洗牌洗得好"暈"呀

D牌係散架...係完全連唔到架

之後咁唔係我地出先

係由左邊既女仔出先

咁我係到排次序

第二嚇黎啦

佢一打....我地三個到pass

再打...我地又pass

再打...望一望...都pass

岩岩好排完...佢已經話last card

我地話下?!之後都pass

之後係炒三家....

我地三個係全炒十三隻

係呆左...哇!!D牌靚到呀

真係嚇死人啦!!係完全冇得出

我真係第一次比人咁炒發

唉.....

之後係CBC堂呀

Miss 同我地講全班得一半既人合格

搞到我地心跳得好快

仲話有個二十分添

嚇死人啦!!!

雖然我都係唔合格

唯有下學期再比心機....

但係今日個男人真係好嚇囉

完全係唔知佢想點?