今日我同靜朝早就落左元朗

因為靜要拎身份證呀

我地都係係10:30就到左天西

到左元西後

我地就搭輕鐵落去

之後行去入境處到

咁其間經過間賣金魚鋪

靜話哇.....金魚呀!!

我話金魚靜....因為佢仲意金魚

之後我地入去入境處....

靜拎完張身份證後.....佢就開始傻傻地啦

係未拎之前呢....佢話要換過張身份證

但係係拎完後

佢第一句係話哇....好令女呀!!

我呆一呆...之後話你咩事呀?

佢話張身份證既相白白地好令

之後拎完張身份證係咁讚自己好令女

同埋仲話阿媽真係好識生架啫!!

我話夠啦，自戀靜!!你收埋張身份證啦

如果唔係就會唔見左啦!!....

之後佢好似好唔捨得咁收埋佢

我地之後就去食嘢

我同佢講左幾間...但係我地到左最後

係揀左我好內冇食既滿記

食完後，我地都好飽

但係我想買嘢飲...

不過買嘢飲之前我地去左people先

因為靜想睇啲plan

睇完後，

靜話仲未有Galaxy S既?

靜一向後就撞到個小朋友

佢話呀...撞到個細路

之後我就好順口咁話

唔緊要啦...我地等個細路....呆左一秒

呀...唔係!!唔係!!

其實我原本係想講

唔緊要啦!!我地等一排先睇下點.....

點知...順口得咁緊要!!跟左靜講

之後我地係笑左唔停口.....

個細路仲要望住我地....

我突然間feel到柒左

我地就入左千色入面既大卡司到

因為我地買嘢飲....

之後我地行左一陣千色就走

返到學校岩岩好.....

Mgt test呀....好快地咁到左Mgt堂

咁我、靜、Lee Man同埋銨埕

四個係到玩鋤大dee

之後玩到阿sir入左黎....

冇幾內又出返去.....

因為佢去拎卷....

我地岩岩派完牌.....我排好左

見到大dee同埋梅花既同花順

比阿sir一隻手係後面一嚇....拎走左

嚇到我呢....尖叫左...

成為全班焦點...又柒左

我話你比返隻同花順我呀

佢話唔比.....要落堂先=3=

之後因為靜聽日連續兩日都唔返

美倩問左我一個好得意既問題

佢問我你聽日返唔返?我話返你做咩咁問?

佢話因為佢覺得我係同靜一伙既

佢唔返我就可能會唔返

我話下?!緊係唔會啦!!

之後我地放學....走人!!