4月30日(六)

朝早就比我老豆叫左起身

因為出去陪阿爺落朗屏睇醫生

咁整好曬嘢後

老豆就渣車出去

先落葵芳接阿爺

之後就落朗屏睇中醫

老豆話行先睇下醫生係唔係到

但係我又聽唔到佢講咩喎

我只係聽到佢一講左啲嘢

我同阿爺都呆左...話哇...佢走得咁快既?

後尾帶佢入去睇...

睇完後，我同阿爺去隔黎間餐廳先

因為我都地未食早餐....

但係老豆要同醫生嗲幾句

遲少少先過黎...

咁我地食住等佢

一陣之後老豆就到左

咁我地食完嘢後就送返阿爺返屋企

而我地都返屋企啦

但係老豆就係呢個十二點出左門口

因為佢同老母都去細姑姐到睇BB

但係我就留係屋企

咁我想晒相..所以我問淑得唔得閒?

佢話ok...咁佢陪我去哂

都快既一個鐘後拎得...而且包過膠

但係呢個淑呢...就同某人去游水

所以我地好快就散band

咁係等相既期間

冇理由冇嘢做架嘛...所以我就去買

整母親節禮物既材料

買好曬岩岩好夠鐘....拎埋相就返屋企

夜晚,因為要同老豆個邊既人食飯

所以我等埋細佬...六點幾到我地就出去

咁十幾個人食飯

食完後，老豆同大姑姐都上去佢阿媽到

因為佢地都有嘢拎

咁我地都係冇得揀...都要上去

嘻....我同表妹一露行一露玩

咁玩玩下...見到小強...我地兩個都叫

之後跑到冇雷公咁遠....我地係一個東一個西

真係嚇死呀....

上到佢老母屋企....

我同表妹繼續玩....玩玩下

連B哥都比我地拉埋黎玩

佢比我地兩個係咁整佢..

又拉佢...又打佢.....又搖佢...等等

有幾次佢係差啲跌落床

之後老豆入黎開風扇...及山門

B哥係完全比我地兩個女仔玩到呢.....

走又走唔到...佢妹妹(即係我表妹)

又唔比佢走!!

佢有一次差啲走到...但係比叔叔一推

又推返入黎><"

好啦....到夠鐘!!走人....

咁佢老母比左啲水果我地食

咁我一咬...依!!凍之於仲好似蘋果

我同表妹一齊食一個

之後返到屋企...好攰呀!!

沖完涼...吹頭.....訓教!

今日

朝早又比人叫醒左啦!!

但係今次係我睇醫生呀

因為我話頭暈暈地....

所以就比佢地叫左我落去睇中醫

但係我原先又食緊西醫既藥

今次真係中西合壁呀

睇完後...食早餐!!

食完返落天水圍....

夜晚...同表姐一家同埋婆婆飯

好得意呀...食食下呢

咁有一個意題係傾得好勁....

係姨丈、老母同埋婆婆三個人講

佢地係岩岩好成一個等腰三角形

同埋岩岩佢地隔黎係間兩至三個人

我地係笑左......

之後返屋企...眼訓