今日同淑行街哦..><"

好內都冇行過啦!!

我約左佢12:00係天西等

之後我地搭車出去MK

首先我地去朗豪坊食晏

食完晏後我地就去左無印良品到

咁係搭扶手電梯上去既時候

淑口快快講左優之良品

我話優之良品???佢笑住話唔係....我只係口快快啫

我地到左無印後...就入去睇下啲文具

但係我地係空手走返出黎

之後我地就去行新之城

淑問我你知唔知點行去新之城?

我話唔知喎....

所以我地決定行返落地鐵站

之後再去返新之城個出口

我地轉過新之城去間黎個旺角中心到行

因為新之城啲嘢唔係好岩我地

我地行左旺中幾個圈

但係呢幾個圈入面我地都可以

有三四次當失路

但係行左咁多轉只係淑買左個袋仔

之後我地就轉行去葵涌廣場

我地由一樓行起

咁我地首先入左間鋪到睇

咁淑睇到有兩件衫好靚

有一件佢就叫個sales keep 住

之後我同淑講話可能其他仲有呢啲款呢!

淑問咁個件衫點?我話一係同佢講話唔要囉

之後淑同佢講話唔要.....

個sales唔鋸咁話我擦開左你先話唔要?

但係個時我地已經走左

之後淑話佢唔開心囉...咁都比人少

我話係佢自己自作聰明啫!!冇人叫佢擦喎

之後我地再四周圍行

我地入到一間鋪...呢間初初我都唔認得

但係當淑睇中左件衫要買既時候

個收銀話你要永遠記得我喎...我叫靚女

我先記得係阿靜去買過嘢個間

當我地行返出去既時候都忍唔住笑左出黎囉....

我話唔係話佢自戀都有個限度呀

淑話真係想嘔囉...

之後我地其後去左B&A同埋Style

既鋪頭到...我各自買左一件衫

今日都買左好多嘢><"

好開心呀...

到最後淑諗緊買唔買個件衫?

我話咁你咪啫係要返去少你個間鋪?

佢話係呀...之後問我意見

覺得件衫點?我話其實......

淑話講真話!!我話其實都ok既...

之後淑決定再去多次少佢個間鋪到

我話我唔入啦!!見到佢都反胃呀

淑買完後...佢話收手

之後到我去買埋頂帽

跟住淑都買左頂帽

我話又話返到天水圍先買?!

佢嘻....嘻就算啦!!

我地買左頂帽就織該戴住走

之後我地就搭車....

淑就返屋企

而我就係荃灣西到落車

因為要同老豆個邊既人食飯

唉...真係討厭呀!!

我去到都仲要夠鐘....7:45到

之後我去左吉之島到行左一陣

突然覺得好肚餓

所以我就行去愉景新城到買嘢食

當我一入到愉景新城就行快兩步啦

因為都幾肚餓

但係突然我見到老豆老母係我右手邊

我見到佢地織核再加快少少個腳步

同埋揼低少少個頭扮冇嘢咁行過.....

我唔敢望返去後面住...直至到行左落扶手電梯

我先敢望返後面....

之後我買左兩個包一包維他奶飲

我行埋佢假森林個到坐低

之後打比淑...同佢講返岩岩見到老豆老母

淑問我咁佢地見唔見到你?

我話佢地應該見唔到既

因為我揼低左少少個頭...用頂帽遮住

同埋加快左少少腳步

淑話咁你都好好彩喎.....我話係囉...好彩我戴左頂帽

我同淑傾左一陣電話...因為我唔想咁快見到佢地

我八搭七先係愉景新行過去

雖然比人話左幾句做咩咁遲

但係起碼唔洗對住佢地好內先

哈....睇黎我既作戰都成功喎

所有人都到曬我未到....

不過我預左比人話

之後坐低左.....一靜落黎就覺得好眼訓

我係訓著左...我係眼訓到呢

連我自己個頭一直向前忠

因為真係好攰呀....行左一日街

一靜落黎就放鬆曬....所以就眼訓

唉...食到咁鬼夜

搞到成十二點二先返到屋企