Year 2 既課程已經開始

哇.....今次真係幣呀

大多數都係用文字架

我最怕就係咁

不過今日既堂呢真係先甜後苦呀

朝早就上王sir 既 tax

都算唔錯呀...而且

王sir 都會好啲既

今日王sir 好好笑呀

佢口快快講講下其中講左句"你老母"

我地成班都聽到就哦阿sir

阿sir 問咩事呀??做咩??

我地話阿sir 你做咩講粗口?

sir 話係咩?我有咩?

我地話係呀.....佢問咁我講左咩?

我就做口形比佢睇

佢話下?!我岩岩講左呢個咩?

我諗阿sir當時係講第二啲嘢既...但係可能佢係發音上就

唔係咁清楚...所以我地就聽左第二個音

哈...哈.....今堂都幾有趣

之後係食晏...

我地叫景霖外賣.....

到食完晏後就到Law

Law sir 真係好搞笑

時不時都同我地講下笑又或者講其他嘢!!!等我地冇咁悶

上佢堂真係好有趣呀

而且一啲都唔悶添

不過唔知點解我明明係上緊Law架

點解好可似覺得上緊歷史堂咁

快樂不知時日過

好快兩粒鐘既堂又完左

唉...就到最攞命既FA 啦

個阿伯真係呢....

星二第一次上堂就比左個見面黎我地

就係佢想連續上三粒鐘既堂

佢又真係好嘢囉.....可以自己cut 曬啲小息

原本有15分鐘可以休息

但係佢自己就cut 到等得五分鐘

同埋佢把聲係可以搞到我地差唔多成班

個個都係到約魚....

不過今日就好少少....對住佢兩粒鐘

但係係其間我地都有傾計呀...玩呀之類

之後就係放學

我地班係非常之有效率架

一到左3:10分到

我地全部人就開始拾書包...

佢都呆一呆話哇...你地咁快手呀??

呀...今日既堂就完曬啦!!返屋企